नेपाल-भारतबीच जारी सीमा विवादिमा भारतीय सञ्चारमाध्यमहरूले नेपालस्थित चिनियाँ राजदूत हउ यान्छीलाई जोडेर प्रचार गर्न शुरू गरेका छन् ।

बुधवार आजतकको अनलाइन संस्करणमा लेखिएको छ, 'भारतसँग नेपाल टाढा हुनुमा धेरै राजनीतिक कारण हुन सक्छ तर नेपालमा चीनको पक्षमा माहोल बनाउन चिनियाँ राजदूत हउ यान्छीको योगदान कम छैन ।'

आजतकले थपेको छ, 'नेपालमा चिनियाँ राजदूत काफी सक्रिय रहन्छिन् र छिमेकी देश भारतको उपस्थितिमा पनि उनले आफ्नो कूटनीति बलियो बनाएकी छन् ।'

समाचारमा थप उल्लेख गरिएको छ, 'राजदूत यान्छीले मंगलवार भारतका सेनाध्यक्ष मनोज नरवानेको नेपालमा चीनले प्रभाव बढाएको भन्ने आरोपको जवाफ दिएकी छिन् । राइजिङ नेपाललाई दिएको अन्तर्वार्तामा यान्छीले नेपाल सरकारले आफ्नो सम्प्रभुता जोगाउन नेपालले यो कदम लिएको हो ।'