बालुवाटारमा ओली–प्रचण्ड वार्ता, धुम्बाराहीमा युवा नेताको धर्ना

पार्टीभित्र चुलिएको संकट समाधानका लागि नेपाल कम्युनिस्ट पार्टी (नेकपा)का अध्यक्षद्वय प्रधानमन्त्री केपी शर्मा ओली र पुष्पकमल दाहाल प्रचण्डबीच छलफल चलिरहेको छ । 

प्रधानमन्त्री निवास बालुवाटारमा शुक्रवार मध्याह्नपछि दुई नेताहरूबीच छलफल चलिरहेको हो । 


Advertisement

महासचिव विष्णु पौडेल र स्थायी कमिटी सदस्य जनार्दन शर्मा पनि बैठकमा सहभागी छन् ।


Advertisement

असार १० गतेदेखि शुरू भएको स्थायी कमिटी बैठक रोकेर आज अध्यक्षद्वयबीच छलफल चलिरहेको हो । 

मंगलवारको बैठकमा प्रचण्डलगायत नेकपाका शीर्ष नेताहरूले ओलीको राजीनामा माग गरेपछि नेकपाभित्रको विवाद पेचिलो बन्दै गइरहेको छ । ओलीले दुवै पदबाट राजीनामा नगर्ने स्पष्ट अडान लिएका छन् । 

बालुवाटारको बैठकअघि नेकपाका दोस्रो पुस्ताका नेताहरूले पार्टी एकतालाई बचाएर लैजान नेताहरूमाथि दबाब सिर्जना गरेका थिए । 

बालुवाटारमा अध्यक्षद्वयको वार्ता चलिरहेको समयमा पार्टी केन्द्रीय कार्यालय धुम्बाराहीमा युवा नेताहरूले मिल्नका लागि दबाब दिएका छन् । 

केन्द्रीय सदस्यहरू डा. विजय पौडेल, जगन्नाथ खतिवडा, हिमाल शर्मा, रामकुमारी झाँक्री, युवा संघका अध्यक्ष दीपशिखा लगायतका नेताहरू धुम्बाराहीमा भेला भएर धर्नामा बसेका हुन् । 

शनिवार बस्ने स्थायी कमिटीको बैठकअघि नै सहमतिका लागि अधिकतम पहल गर्ने नेताहरूले बताउँदै आएका छन् । 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्