कोरोनाले थप २ जनाको मृत्यु, २३२ जनामा कोरोना संक्रमण पुष्टि

शनिवार थप २३२ जनामा कोरोना भाइरस संक्रमण पुष्टि भएको छ ।

शनिवार कोरोना भाइरस संक्रमणको राष्ट्रिय अद्यावधिक विवरण सार्वजनिक गर्दै स्वास्थ्य तथा जनसंख्या मन्त्रालयका प्रवक्ता प्रा.डा. जागेश्वर गौतमले थपिएका संक्रमितसँगै कूल संक्रमित १५ हजार ४९१ पुगेका जानकारी दिए ।


Advertisement

प्रवक्ता गौतमका अनुसार पछिल्लो २४ घण्टामा २७१ जना कोरोना संक्रमित आइसोलेसनबाट डिस्चार्ज भएका छन् । हालसम्म डिस्चार्ज हुनेको संख्या ६ हजार ४१५ पुगेको छ ।

पछिल्लो विवरण अनुसार थप २ जनाको कोरोनाबाट मृत्यु भएसँगै मृत्यु हुनेको संख्या ३४ पुगेको प्रवक्ता गौतमले बताए । उनका अनुसार गोरखाको पालुङटारका पुरुषको असार २० गते र रुपन्देहीको देवदह नगरपालिकाका पुरुषको असार १७ गते त्रिवि शिक्षण अस्पतालमा मृत्यु भएको छ ।


Advertisement

देशभरका कूल संक्रमितमध्ये १ नम्बर प्रदेशमा ६८६, २ नम्बरमा ४ हजार ८३, बाग्मतीमा ५२५, गण्डकीमा १ हजार १३३, ५ नम्बरमा ३ हजार ९४२, कर्णालीमा १ हजार ५४० र सुदूरपश्चिममा ३ हजार ५८२ संक्रमित रहेका छन् । देशभर आइसोलेसनमा ९ हजार ४२ जना रहेका प्रवक्ता गौतमले बताए । 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्