सत्तासीन नेपाल कम्युनिस्ट पार्टी (नेकपा) का स्थायी कमिटी सदस्य भीम रावलले राजनीतिलाई सत्ताको फोहोरी खेल नतुल्याउन आग्रह गरेका छन्।

नेकपाभित्रको शक्ति संघर्षका कारण पार्टी नै विभाजनको जोखिममा रहेको आकलन भइरहेका बेला पूर्वमन्त्री समेत रहेका रावलले ‘राजनीतिलाई सत्ताको फोहोरी खेल तुल्याउने विगतका विकृति फेरि शुरू गरी जनता र पार्टीलाई धोका दिने काम नहोस्’ भनेका हुन्।

उनले नेकपाको सिद्धान्त, नीति, विधान, संगठन र सदस्यहरूमाथि विश्वास र भरोसा गर्न पनि आह्वान गरेका छन्। ‘विपक्षी दलका नेताहरूसँग साँठगाँठ गरी कम्युनिष्ट पार्टीको भविष्य अन्धकारतर्फ धकेल्ने कुकर्म कतै नहोस्,’ उनले भनेका छन्।

नेकपाको सिद्धान्त,नीति,विधान,संगठन र सदस्स्यहरूमाथि विश्वास र भरोसा गरौं ।विपक्षी दलका नेताहरूसंग सांठगाँठ गरी कम्युनिष्ट पार्टीको भविष्य अन्धकारतर्फ धकेल्ने कुकर्म कतै नहोस्।राजनीतिलाई सत्ताको फोहरी खेल तुल्याउने विगतका विकृति फेरी शुरू गरी जनता र पार्टीलाई धोका दिने काम नहोस् ।

— Bhim Rawal, Ph.D. (@BhimRawal179) July 5, 2020