सिन्धुपाल्चोकको बाह्रबीसेमा आएको भीषण बाढीमा बेपत्ता हुनेको संख्या २० पुगेको छ ।

जिल्ला प्रहरी कार्यालय सिन्धुपाल्चोकका प्रवक्ता डीएसपी माधव काफ्लेले लोकान्तरलाई दिएको जानकारी अनुसार अहिलेसम्म २ जनाको शब भेटिएको छ । 

डीएसपी काफ्लेले भने, ‘बाह्रबीसे नगरपालिकाको ५ नम्बर वडा जम्बुमा घाइते ४ जना रहेका छन्, उनीहरू बेपत्ता भएका छन् । यस्तै अन्य ठाउँमा १६ जना बेपत्ता भएका छन् ।, उनीहरूको खोजी कार्य भइरहेको छ ।’
बेपत्ता भएकाहरूको नाम संकलन तथा खोजी कार्य भइरहेको उनले बताए । 

घटनास्थलमा  अहिले वर्षा भइरहेको बताउँदै उनले उद्धारमा कठिनाइ भइरहेको बताए । 

काठमाडौंबाट नेपाली सेनाको हेलिकप्टर उडिसकेको डीएसपी काफ्लेले जानकारी दिए ।