सिन्धुपाल्चोकमा आएको भीषण बाढीका कारण निर्माणाधीन मध्य भोटेकोशी जलविद्युत् आयोजनामा क्षति पुगेको छ ।

ठूलो बाढी आयोजनामा पनि पसेको आयोजना प्रमुख सुनिलकुमार लामाले लोकान्तरलाई जानकारी दिए । 

उनका अनुसार इलेक्ट्रोमेकानिकल सामान राख्ने साइटमा बाढी पसेको छ । लोकान्तरसँग उनले भने,  ‘इलेक्ट्रोमेकानिकल सामान राख्ने साइटमा बाढी पसेको छ । विभिन्न मेसिनहरू बगाएको छ ।’

उनले थपे, ‘ठाडो खोल्साखोल्सीबाट अहिलेसम्म नआएको बाढी आयो । हाम्रो आयोजनामा ठूलो क्षति पुर्‍याएको छ  । हामी आयोजनामा जान सक्ने स्थिति छैन । पारिबाटै फर्कियौं ।’

उनले ठूलो मात्रामा क्षति भएको बताउँदै विवरण भने आइनसकेको जानकारी दिए ।