कञ्चनपुरको भीमदत्त नगरपालिका–१३ की १४ वर्षीया बालिका नेहा सुनारको शव बिहीवार बिहान स्थानीय खोलामा भेटिएको छ ।

जिल्ला प्रहरी कार्यालय कञ्चनपुरका प्रवक्ता प्रहरी नायब उपरीक्षक अमरबहादुर थापा क्षेत्रीले बुधवार साँझ स्थानीय खोलामा हराएकी बालिका सुनारको शव फेला परेको बताए ।

प्रहरीले बालिकालाई कुटपिट गर्दै खोलामा धकेलेको हुनसक्ने आकलनसहित थप अनुसन्धानका लागि बालिकाका दाजु ३४ वर्षीय भरत सुनारलाई नियन्त्रणमा लिएको छ ।

‘बालिकासँगै उनका दाजु खोलामा नुहाउन गएका थिए,’ उनले भने, ‘खोज्दै हिँडेका भरतले आवेगमा आएर कुटपिट गर्दै खोलामै धकेलेको जस्तो देखिन्छ ।’ उनले घटनाको विस्तृत अनुसन्धान भइरहेको र बालिकाको शव परीक्षणका लागि महाकाली अस्पतालमा राखिएको जानकारी दिए ।