सिन्धुपाल्चोक अपडेट : घाइतेलाई हेलिकप्टरमा काठमाडौं ल्याइयो, २० जना अझै बेपत्ता

सिन्धुपाल्चोकमा बुधवार राति बाढी र पहिरोमा परी घाइते भएका ४ जनालाई नेपाली सेनाको हेलिकप्टरमार्फत काठमाडौं ल्याइएको छ । 

उनीहरूलाई काठमाडौंमा पठाइएको जिल्ला प्रहरी कार्यालय सिन्धुपाल्चोकका प्रवक्ता डीएसपी माधव काफ्लेले लोकान्तरलाई जानकारी दिए ।


Advertisement

उनका अनुसार फुर्वा तामाङ र १० दिने शिशुलाई ह्याम्स अस्पताल लगिएको छ भने सविता बस्नेत र सुदेश तामाङको अर्को एक अस्पतालमा उपचार भइरहेको छ ।

​घटनामा हालसम्म २ जनाको मृत्यु भएको छ भने २० जना बेपत्ता रहेको डीएसपी काफ्लेले बताए ।


Advertisement

केहीबेर अघिसम्म अविरल वर्षाका कारण घाइतेको उद्दार गर्न तथा बेपत्ता भएकाहरूको खोजी गर्न कठिनाइ भएको थियो । 

अहिले मौसममा सामान्य सुधार आएको भएपनि केही बेरमा पानी पर्ला जस्तो भएको डीएसपी काफ्लेले बताए । 

उनले भने, ‘नेपाली सेनाको हेलिकप्टरले घाइतेहरूको उद्दार गरी काठमाडौंमा लगेको छ । अहिले पानी परेको छैन । हामी बेपत्ता भएकाहरूको खोजी गरिरहेका छौं ।’ 

सभामुख अग्निप्रसाद सापकोटालाई लिएर गएको हेलिकप्टर समेत मौसमका कारण फर्किनुपरेको थियो । मौसम केही उघ्रिएपछि सभामुख सापकोटा पनि बाह्रबीसे पुगिसकेका छन् ।

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्