काठमाडौंमा ३ जना कोरोना संक्रमितको मृत्यु

प्रतिकात्मक तस्वीर

राजधानी काठमाडौं उपत्यकामा कोरोना भाइरस संक्रमित ३ जनाको मृत्यु भएको छ ।

काठमाडौंका विभिन्न अस्पतालमा उपचारका क्रममा रहेका ३ जनाको मृत्यु भएको स्वास्थ्य तथा जनसंख्या मन्त्रालयका प्रवक्ता प्रा.डा. जागेश्वर गौतमले जनाएका छन् ।


Advertisement

कोरोना संक्रमितको अद्यावधिक विवरण सार्वजनिक गर्दै प्रवक्ता गौतमले काठमाडौं महानगरपालिका–१० शंखमूखका ६० वर्षीय पुरुषको उपचारका क्रममा पाटन अस्पतालमा मृत्यु भएको जानकारी दिए । उपचारकै क्रममा उनको कोरोना परीक्षण गर्दा पीसीआर पोजेटिभ देखिएको थियो । उनको असार २६ गते निधन भएको जनाइएको छ ।

सिन्धुपाल्चोकको पाँचपोखरी–६ घर भई पाटन अस्पतालमा उपचाररत ४५ वर्षीय पुरुषको समेत असार २५  गते मृत्यु भएको प्रवक्ता गौतमले बताए । यस्तै, काठमाडौंको गोकर्णेश्वर–४ का ५४ वर्षीय पुरुषको असार २५ गते उपचारका क्रममा काठमाडौं मेडिकल कलेज सिनामंगलमा निधन भएको जनाइएको छ ।


Advertisement

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्