साढे ३ महिनापछि जब सडकमा देखियो सार्वजनिक बस

प्रकाश आचार्य
प्रकाश आचार्य

लोकान्तर संवाददाता आचार्य प्रदेश नम्बर ५ बाट रिपोर्टिङ गर्छन् ।

रूपन्देहीमा सार्वजनिक गाडी सञ्चालनमा आएका छन् ।

कोरोना महामारीले चार महिनादेखिको लकडाउनले ठप्प भएको ‘पब्लिक ट्रान्सपोर्ट’ आइतबारदेखि सञ्चालनमा आएको हो ।


Advertisement

लुम्बिनी मेट्रोसिटी प्रालिले आफ्ना वातावरण अनुकूलित (एसी) बस बुटवल–भैरहवा रूटमा सञ्चालनमा ल्याएको छ । 

प्रालिका अध्यक्ष धनबहादुर अधिकारीले गृह मन्त्रालयले छोटो दुरीका यातायात सञ्चालन गर्न अनुमति दिएपछि प्रालिले मुख्यमन्त्री तथा मन्त्रिपरिषद्को कार्यालयसँग समन्वय गरी सञ्चालनमा ल्याएको बताए । 


Advertisement

अध्यक्ष अधिकारीले भने, ‘सरकारको निर्देशन बमोजिम सुरक्षा अपनाएर हामीले गाडी सञ्चालनमा ल्याएका छौं ।’ 

समिति मातहतमा ८ वटा एसी बस छन् । ती गाडी एक/एक घण्टामा छुट्नेछन् ।

बुटवल बर्दघाट रुटमा पनि गाडी सञ्चालनमा ल्याउने तयारी भइरहेको छ । अब यात्रुले बुटवल भैरहवाको भाडा ९० रुपैयाँ तिर्नुपर्नेछ । सामान्य अवस्थामा यो रुटमा भाडादर ६० रुपैयाँ थियो । 

यात्रुलाई बसमा चढाउनु अगाडि स्यानिटाइजर र थर्मल गनले ज्वरो जाँच गर्ने, बसभित्र भौतिक दुरी कायम गरिने, सह–चालकलाई पीपीई लगाएर मात्र काम गर्न लगाउने, यात्रुलाई मास्कको अनिवार्य व्यवस्था लगायतका सुरक्षा प्रवन्ध मिलाएर बस सञ्चालनका ल्याएको गाडी धनी प्रकाश पुनले बताए । 

कोरोनाका त्रासका बीच गाडी सञ्चालनमा ल्याएको हुन सक्ने भएकोले र त्यसबाट जोखिम हुने डरले यात्रुहरूको संख्या न्यून रहेको पुनले बताए । नेपालकै ठूलो पश्चिम नेपाल बस व्यवसायी प्रालिले तत्काल आफूहरूले गाडी सञ्चालनमा ल्याउन नसक्ने बताएको छ ।

प्रालिका अध्यक्ष दधिराम खरेलले गाडी मर्मत गर्नुपर्ने भएकोले तत्कालका लागि गुडाउन सम्भव नभएको बताए । प्रालि मातहत २ हजार ४ सय गाडी आवद्ध छन् । 

प्रकाश आचार्य
प्रकाश आचार्य

लेखकबाट थप...

कमेन्ट गर्नुहोस्