पहिरोले पाइप पुर्दा वीरेन्द्रनगरको खानेपानी आपूर्तिमा समस्या

शेरबहादुर थापा
शेरबहादुर थापा

लोकान्तर संवाददाता थापा कर्णाली प्रदेशबाट रिपोर्टिङ गर्छन् ।

सुर्खेतको वीरेन्द्रनगरमा खानेपानी आपूर्ति गर्ने पाइप पहिरोले पुरेपछि आपूर्तिमा समस्या भएको छ ।

खरीखोलाको मूलबाट पानी ल्याइएको पाइप मुहानभन्दा ८०० मिटर तल अलैंचीमा गएको पहिरोले पुरेको छ । असार १९ गते गएको पहिरोले पाइप लाइनमा क्षति पुगेको हो ।


Advertisement

पाइप पहिरोले पुरेपछि प्रतिसेकेन्ड ३० लिटर पानी आपूर्ति रोकिएको सुर्खेत उपत्यका खानेपानी संस्थाका अध्यक्ष कुलमणि देवकोटाले जानकारी दिए । पहिरो ठूलो भएकाले तत्काल पाइप लाइन मर्मत गर्ने वैकल्पिक उपाय समेत नभएको उनले बताए ।

‘कल्पना नै नगरिएको चट्टानमा पहिरो गएको छ, यसले गर्दा प्रतिसेकेन्ड ३० लिटर पानी आपूर्ति बन्द भएको छ,’ अध्यक्ष देवकोटाले भने, ‘यो पहिरो ठूलो भएको र सामान ढुवानी गर्न सडक नभएकाले तत्काल सञ्चालनका लागि विकल्प समेत भेटिएको छैन ।’


Advertisement

वीरेन्द्रनगर उपत्यकामा पानी आपूर्ति गर्न झुप्रा खोलाबाट प्रतिसेकेन्ड ६६ लिटर र खरीबोरी खोलाबाट प्रतिसेकेन्ड ३० लिटर पानी ट्यांकीमा झारिएको छ । हाल झुप्रा खोलाबाट मात्र पानी आपूर्ति भइरहेको अध्यक्ष देवकोटाले जानकारी दिए ।

शेरबहादुर थापा
शेरबहादुर थापा

लेखकबाट थप...

कमेन्ट गर्नुहोस्