म्यानचेस्टर सिटीमाथि लगाइएको प्रतिबन्ध उल्टियो, जरिवाना १० मिलियनमा घट्यो

बेलायतको फूटबल क्लब म्यानचेस्टर सिटीलाई च्याम्पियन्स लीगमा आगामी दुई सीजन प्रतिबन्ध लगाउने युरोपेली फूटबल संघ (यूईएफए) को निर्णयलाई खेलकुद अदालतले उल्ट्याइदिएको छ ।

फाइनान्सियल फेयर प्लेको नियम तोडेको आरोपमा यूईएफएले सिटीलाई युरोपोली प्रतिस्पर्धाबाट २ वर्षको प्रतिबन्ध र २५ मिलियन पाउण्ड जरिवाना लगाउने निर्णय गरेको थियो ।


Advertisement

कोर्ट अफ आरबाइट्रेसन फर स्पोर्टले सोमवार सिटी र यूईएफएबीचको विवादमा निर्णय दिएको हो । 

अदालतले सन् २०२० को फेब्रुअरी १४ मा एड्जुडिकेटरी चेम्बर अफ द सीएफसीबीको निर्णयलाई उल्ट्याएर प्रतिबन्धको साटो १० मिलियन युरो तिर्नुपर्ने निर्णय गरेको हो ।


Advertisement

निर्णयको ३० दिनभित्र क्लबले जरिवाना तिर्नुपर्ने हुन्छ । 

क्लबले क्लब लाइसेन्सिङ तथा फाइनान्सियल फेयर प्ले रेगुलेसनको धारा ५६ को उल्लंघन गरेको ठहर अदालतले गरेको छ । 

यो निर्णय आएसँगै अब सिटीले च्याम्यिन्स लीगको आगामी सीजनमा सहभागी हुन पाउने भएको छ ।

क्लबले च्याम्पियन्स लीग खेल्न नपाएको भए ठूला खेलाडीले क्लब छोड्ने जोखिम थियो ।

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्