विवाहको आश्वासन दिएर बालिका बलात्कार गर्ने २ युवा थुनामा

प्रतिकात्मक तस्वीर

पर्वतको कुश्मा बजारमा बालिका बलात्कारको आरोप लागेका २ युवा पुर्पक्षका लागि थुनामा परेका छन् ।

कुश्मामा भएका छुट्टाछुट्टै घटनाका दुवै आरोपित पर्वत जिल्ला अदालतको आदेशमा सोमवार पुर्पक्षका लागि थुनामा परेका हुन् ।


Advertisement

थुनामा पर्नेमा सिन्धुपाल्चोक जिल्लाको चौतारा नगरपालिका–८ बस्ने २१ वर्षीय टेकबहादुर श्रेष्ठ र बर्दिया जिल्लाको गुलरिया नगरपालिका–२ पण्डितपुरका २७ वर्षीय टेकबहादुर खड्का रहेका छन् ।
 
श्रेष्ठलाई कुस्माबजारकी एक १५ वर्षीया बालिकालाई विवाहको आश्वासन दिएर बलात्कार गरी गर्भवतीसमेत बनाएको आरोपमा यही असार १९ गते पक्राउ गरिएको थियो भने खड्कालाई पनि कुश्मा बजारको एक होटलमा ल्याई १४ वर्षीया बालिकालाई बलात्कार गरेको आरोपमा यही असार १७ गते गिरफ्तार गरिएको थियो । 

श्रेष्ठले फेसबूकबाट चिनजान भएकी बालिकालाई विवाहको प्रलोभनमा पारेर गत पुस २ गते कुश्मा बजारमा रहेको आफ्नो कोठामा बलात्कार गरेको भनीे पीडितले असार १९ गते प्रहरीमा उजुरी दिएकी थिइन् । पीडित बालिकामा ६ महिनाको गर्भ रहेको पाइएको छ । 


Advertisement

खड्कामाथि कुश्मा बजारस्थित एक होटलमा बलात्कार गरेको आरोप लागेको छ । उनीमाथि पनि विवाह गर्ने आश्वासनसहित होटलमा ४ दिनसम्म राखेर बलात्कार गरेको आरोप छ । आरोपित खड्का ट्रयाक्टर चालक हुन् । 

कमेन्ट गर्नुहोस्