ब्राजिलका राष्ट्रपति जाइर बोल्जोनारोलाई कोरोनाभाइरस पोजिटिभ देखिएपछि क्वारेन्टीनमा बस्दै गर्दा अस्ट्रिच जस्तै देखिने रिया चराले ठुंगेको छ । 
 

आल्भोरादा प्यालेसमा बसिरहेका बोल्जोनारोले त्यहाँ बस्दा कष्ट सहनुपरेकाले छिट्टै काममा फर्किन चाहेका छन् । 

स्थानीय अन्लाइन पत्रिका मेट्रोपोल्सका अनुसार, क्वारेन्टीमा बस्दा बोल्जोनारोलाई रियाले ठुंगेको हो । पत्रिकाले फोटो समेत शेयर गरेको छ । 

उनले रिया चराहरूलाई खाना खुवाएको देखिन्छ । त्यसैक्रममा सोमवार एउटा चराले उनलाई ठुंगेको हो । 

महामारी शुरू भएदेखि नै सामाजिक दूरीका नियमहरू पालन नगरेका अनि मास्क समेत लगाउन नमानेका बोल्जोनारोलाई कोरोना लागेपछि क्वारेन्टीनमा बस्नुपरेको थियो । 

‘म घरमा थुनिएर यसरी बसिरहन सक्दिनँ । यो अत्यासलाग्दो छ,’ उनले सीएनएन ब्राजिलसँग फोनमा कुरा गर्दै भने । नयाँ परीक्षण गरेर सञ्चो महसूस गरेमा काममा फर्किने उनको योजना छ । 
 

रियाले बोल्जोनारोलाई टोकेपछि उनका आलोचकहरू खुशी भएका छन् ।