कोरोनाका कारण पछिल्लो २४ घण्टामा थप १ जनाको मृत्यु

कोभिड १९ का कारण थप १ जनाको मृत्यु भएको छ । रौतहट जिल्लाको परवाह नगरपालिका वडा नम्बर ७ का ३६ वर्षीय पुरुषको कोरोनाका कारण निधन भएको स्वास्थ्य तथा जनसंख्या मन्त्रालयले पुष्टि गरेको छ ।

बुधवार नियमित प्रेस ब्रिफिङका क्रममा मन्त्रालयका प्रवक्ता डाक्टर जागेश्वर गौतमले आज दिउँसो साढे २ बजे उनको उपचारका क्रममा मृत्यु भएको जानकारी दिए ।


Advertisement

डा. गौतमले दिएको जानकारीअनुसार उनी आफ्नो आफन्तको अन्तिम संस्कारका लागि भारतको बैंगलोर पुगेका थिए । उनका आफन्त पनि कोरोनाबाट संक्रमित थिए ।

गत असार २४ गते नेपाल फर्केका उनी त्यसपछि रौतहटमै क्वारेन्टाइनमा बसेका थिए । २९ गते रुघा खोकी र ज्वरो आएपछि उनलाई नारायणी अस्पताल वीरगंजमा भर्ना गरिएको थियो ।


Advertisement

उनको सोही दिन स्वाब संकलन गरेर परीक्षण गर्दा आज कोरोना भएको पुष्टि भएको हो । डा. गौतमले उनलाई आज बिहानदेखि भेन्टिलेटरमा राखेर उपचार गरिएको र उपचारकै क्रममा मृत्यु भएको बताए ।

यससँगै नेपालमा कोरोनाका कारण मृत्यु हुनेको संख्या ३९ पुगेको छ ।

 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्