चीनमा बाढीका कारण १४१ जनाको मृत्यु, १५ लाख मानिस विस्थापित

चीनको याङ्से नदी क्षेत्रमा अझै पाँच दिन अविरल वर्षा हुने पूर्वानुमान गरिएको चीनको मौसम विभागले जनाएको छ । उक्त क्षेत्रमा यस वर्ष बाढीले निकै क्षति पुर्‍याएको छ ।

देशभरि बाढीका कारण कम्तीमा १४१ जनाको मृत्यु भएको वा बेपत्ता भएको बताइएको छ । 


Advertisement

चीनको सबभन्दा ठूलो स्वच्छ जल भएको पोयाङ तालमा जलस्तरले सोमवार कीर्तिमान छोएपछि घट्न थालेको छ । 

सैनिकहरूले उक्त तालमा पानी बढेर लुशान शहर डुबाउने स्थितिबाट जोगाउन अस्थायी तटबन्ध बनाएका छन् । 


Advertisement

मौसमी बाढीले यस महिनामा मात्र १५ लाख मानिसलाई विस्थापित गरेको पिपुल्स डेली पत्रिकाले लेखेको छ । दक्षिण चीनमा बाढीको पानीले गाउँ, शहर र कृषियोग्य भूमिलाई डुबाएको छ । 

कृषि मन्त्रालयले जियाङ्सी तथा अन्य चार प्रान्तमा टोली पठाएर विपत राहतका क्षति न्यूनीकरणको प्रयास थालेको छ । 

सन् १९९८ मा आएको भयंकर बाढीले २ हजारभन्दा बढी मानिसको ज्यान लिएको र ३० लाख घर नष्ट गरेयता अहिलेको वर्ष सबभन्दा क्षति पुगेको हो । 

एजेन्सी
एजेन्सी

लेखकबाट थप...

कमेन्ट गर्नुहोस्