पाकिस्तानमा भेटियो थप तेल भण्डार, आयात घट्ने

पाकिस्तानको ऊर्जा कम्पनी एमओएल ग्रूपले खैबर पख्तुनख्वाको कोहत जिल्लामा तेल र ग्यासको भण्डार फेला परेको घोषणा गरेको छ । यसले पाकिस्तानको ऊर्जा आयातको मात्रा घटाउने अपेक्षा गरिएको छ । 

‘पाकिस्तानमा अर्को कुरा पत्ता लगाएको घोषणा गर्न पाउँदा म खुशी छु,’ एमओएल ग्रूपका बेरिस्लाभ गासोले भने । ‘यसले देशभित्रैका स्रोतबाट ऊर्जा सुरक्षा गर्न सक्छ,’ उनले भने । 


Advertisement

एमओएलले पाकिस्तानमा २१ वर्षदेखि काम गरिरहेको छ र १३ वटा तेल, ग्यास तथा कन्डेनसेट डिस्कभरी गरेको छ ।

आँकडा हेर्दा पाकिस्तानले सन् २०२० को मार्च महिनामा प्रतिदिन ८५ हजार ब्यारल तेल उत्पादन गरेको थियो । 


Advertisement

देशमा तेलको मागको ८० प्रतिशत पूर्ति आयातबाटै हुन्छ । 

अनि उसले प्रतिदिन लगभग चार अर्ब क्युबिक फीट ग्यास उत्पादन गर्छ जबकि उसलाई सात अर्ब क्युबिक फीट आवश्यक पर्छ । 

बाँकी ग्यास उसले आयात गर्छ । 

पाकिस्तान तथ्यांक विभागका अनुसार, देशले गत जुन महिनामा ९.८ अर्ब डलर बराबरको इन्धन आयात गरेको थियो । 
 

एजेन्सी
एजेन्सी

लेखकबाट थप...

कमेन्ट गर्नुहोस्