यी १० स्थानीय सरकार, जसले कानून मिचे, लेखापरीक्षण गराएनन्

कानून विपरीत विभिन्न १० स्थानीय तहले लेखापरीक्षण नगराएको पाइएको छ ।

यी स्थानीय तहले आफ्नो आय तथा व्ययको अन्तिम लेखापरीक्षण नगराएको महालेखा परीक्षकको कार्यालयले जनाएको छ । 


Advertisement

कार्यालयले ५७ औं प्रतिवेदन सार्वजनिक गर्दै १० स्थानीय तहले कानूनको पालना नगरेको जनाएको हो । 

यी हुन् लेखा परीक्षण नगराउने १० स्थानीय तह
सिरहा : भगवानपुर र नराह गाउँपालिका, 
धनुषा : जनकपुर उपमहानगरपालिका, 
सर्लाही : वलरा र कविलासी नगरपालिका तथा वसवरिया गाउँपालिका, 
रौतहट : फतुवा विजयपुर नगरपालिका 
पर्सा : ठोरी र जिराभवानीपुर गाउँपालिका,
रामेछाप : लिखु तामाकोशी गाउँपालिका


Advertisement

लेखापरीक्षण ऐन, २०७५ को दफा २० र स्थानीय सरकार सञ्चालन ऐन, २०७४ को दफा ७७ बमोजिम प्रत्येक स्थानीय तहले आफ्नो आय तथा व्ययको अन्तिम लेखापरीक्षण महालेखा परीक्षकको कार्यालयबाट गराउनुपर्ने उल्लेख छ । 
प्रतिवेदनमा भनिएको छ,आर्थिक वर्ष २०७५/७६ मा लेखापरीक्षण गराउनु पर्ने ७५३ स्थानीय तह मध्ये  १० स्थानीय तहले लेखापरीक्षण गराएनन् । 

यस्तै आर्थिक वर्ष २०७४/७५ मा स्रेस्ता पेश नगरी सर्लाही, महोत्तरी, धनुषा र बझाङका ६ स्थानीय तहको लेखापरीक्षण बक्यौता रहेको मध्ये सर्लाहीको वलरा नगरपालिका र महोत्तरीको सम्सी गाउँपालिकाको यो वर्ष पनि स्रेस्ता पेश गरी लेखापरीक्षण गराएको छैन । 

कानूनमा भएको व्यवस्थाको पालना नगर्ने र लेखापरीक्षण समेत नगराउने स्थितिले आर्थिक अनुशासनको पालना हुने अवस्था नदेखिएको महालेखा परीक्षकको प्रतिवेदनमा उल्लेख छ । 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्