शोधनान्तर स्थिति एक खर्ब ७९ अर्ब बचतमा

नेपालमा कोरोना भाइरसका कारण अर्थतन्त्र चलायमान हुन नसके पनि मुलुकको सोधनान्तर स्थिति १ खर्ब ७९ अर्ब ३७ करोडले बचतमा छ।

अघिल्लो वर्षको सोही अवधिमा शोधनान्तर स्थिति ९० अर्ब ८३ करोडले घाटामा रहेको थियो।


Advertisement

अमेरिकी डलरमा शोधनान्तर स्थिति अघिल्लो वर्षको ११ महिनासम्ममा ८० करोड ३१ लाखले घाटामा रहेकोमा समीक्षा अवधिमा १ अर्ब ५० करोडले बचतमा रहेको छ। 

नेपाल राष्ट्र बैंकले बिहीबार सार्वजनिक गरेको आर्थिक वर्ष ०७६÷०७७ को ११ महिनाको तथ्यांक अनुसार समीक्षा अवधिमा चालु खाता घाटा ७१.२ प्रतिशतले घटी ७१ अर्ब ६४ करोड कायम भएको छ।


Advertisement

अघिल्लो वर्षको सोही अवधिमा यस्तो घाटा २ खर्ब ४९ अर्ब ८ करोड रहेको थियो। अमेरिकी डलरमा अघिल्लो वर्षको ११ महिनामा २ अर्ब २० करोड चालु खाता घाटा रहेकोमा समीक्षा अवधिमा ६५ करोड ६४ लाख रहेको छ। 

समीक्षा अवधिमा पुँजीगत ट्रान्सफर १३ अर्ब ५ करोड र खुद प्रत्यक्ष वैदेशिक लगानी १८ अर्ब ७२ करोड रहेको छ। अघिल्लो वर्षको सोही अवधिमा पुँजीगत ट्रान्सफर रु.१३ अर्ब ८८ करोड र खुद प्रत्यक्ष वैदेशिक लगानी ११ अर्ब ८० करोड रहेको थियो।
 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्