संस्कृति,पर्यटन तथा नागरिक उड्डयन मन्त्रालयले गठन गरेको अध्ययन समितिले अब हवाइ उडान खोल्न सकिने निस्कर्ष निकालेको छ।

पर्यटन मन्त्रालयका सहसचिव बुद्धिसागर लामिछानेको संयोजकत्वमा रहेको समितिले आन्तरिक उडान साउन २१ गतेदेखि र  अन्तर्राष्ट्रिय उडान भदौ १ गतेदेखि खुलाउन सकिने सुझाव दिएको हाे।

समितिले बिहीबार पर्यटनमन्त्री योगेश भट्टराईलाई प्रतिवेदन बुझाएको छ।

कोरोना भाइरस रोकथामका लागि भन्दै सरकारले गत चैत ११ गतेदेखि लकडाउन लागू गरेको थियो। त्यसअघि चैत ९ देखि अन्तर्राष्ट्रिय बन्द गरिएको थियो। चैत ११ देखि आन्तरिक उडान समेत ठप्प छन्।