महालक्ष्मी विकास बैंक लि.मा वरिष्ठ नायव प्रमुख कार्यकारी अधिकृत सागर शर्मालाई सञ्चालक समितिले कायममुकायम प्रमुख कार्यकारी अधिकृतको रुपमा नव नियुक्त गरेको छ ।

बैंक परिवारको तर्फबाट केन्द्रिय कार्यालय दरबार मार्गमा स्वागत कार्यक्रम सम्पन्न गरिएको थियो ।

उक्त कार्यक्रममा संस्थाका नियुक्त कायममुकायम प्रमुख कार्यकारी अधिकृत शर्माले बैंक प्रतिको जनविश्वास, निष्ठा कायम राख्दै गुणस्तरीय सेवा प्रदान गर्न सदा तत्पर रहने प्रतिबद्धता जनाएका छन् ।

त्यसैगरी उनले बैंकको लक्ष्य र उद्देश्य प्राप्तिका लागि आफु साथसाथै सम्पूर्ण कर्मचारीलाई प्रयत्नशील रहन आग्रह गरेका छन् ।