भदौ १ गतेदेखि खेलकुद प्रशिक्षणको अनुमति

फाइल फोटो

सरकारले अन्तर्राष्ट्रिय खेलकुद प्रतियोगिताको तयारीका लागि आगामी भदौ १ गतेदेखि प्रशिक्षण गर्न दिने निर्णय गरेको छ ।

मन्त्रिपरिषद्को सोमवारको बैठकले प्रशिक्षण सञ्चालन गर्न दिने निर्णय गरेको हो । 


Advertisement

मन्त्रिपरिषद्का निर्णय सार्वजनिक गर्दै सरकारका प्रवक्ता एवं अर्थ, सूचना तथा सञ्चार प्रविधिमन्त्री डा. युवराज खतिवडाले भदौ १ गतेदेखि नै प्रतियोगिताको तयारीका लागि विभिन्न किसिमका अभ्यास गर्न पाइने निर्णय सुनाए ।

समूहमा खेलिने घरेलु खेलकूद प्रतियोगिताका साथै खेलमैदानमा गरिने अन्य कार्यक्रम भने गर्न नपाइने उनले उल्लेख गरे । यसबारे सरकारले अर्को बैठकमा निर्णय गर्नेछ । 


Advertisement

कोरोना भाइरसको महामारीका कारण गत वर्ष चैत पहिलो हप्तादेखि नै खेलकूद प्रतियोगिता आयोजना गर्न रोक लगाइएको थियो । उक्त अवधिमा खेलको सबै अभ्याससमेत बन्द गरिएको थियो । खेलाडी तथा प्रशिक्षक सरकारको अनुमति पर्खेर बसिरहेका थिए ।

कमेन्ट गर्नुहोस्