सानिमा बैंकले टिच फर नेपाललाई यस वर्ष १० लाख रुपैयाँ सहयोग गरेको छ ।

शैक्षिक क्षेत्रमा थप टेवा पुर्‍याउने उद्देश्यले विगतमा प्रदान गर्दै आएको सहयोगलाई निरन्तरता दिँदै बैंकले आर्थिक सहयोग गरेको हो । 

सानिमा बैंकको प्रधान कार्यालय नक्सालमा आयोजित एक कार्यक्रमका बीच बैंकका प्रमुख निक्षेप अधिकृत सरोज गुरागाईं र टिच फर नेपालका प्रमुख कार्यकारी अधिकृत स्वस्तिका श्रेष्ठले उक्त सम्झौतापत्रमा हस्ताक्षर गरेका छन् । 
बैंकले विगत ८ वर्षदेखि सामाजिक उत्तरदायित्व अन्तर्गत उपत्यका बाहिरका शाखाहरूबाट विपन्न वर्गका  विद्यार्थीहरुलाई शैक्षिक छात्रवृत्ति प्रदान गर्दै आएको छ । 

नेपालका सरकारी विद्यालयमा पढ्ने विद्यार्थीलाई गुणस्तरीय शिक्षा प्रदान गर्ने उद्देश्यका साथ टिच फर नेपाल  विगत ७ वर्षदेखि यस क्षेत्रमा कार्यरत रहेको छ । 

टिच फर नेपालको तर्फबाट अहिले १ सय ३८ जना शिक्षकहरु विभिन्न ७ जिल्लाका ६४ सामुदायिक विद्यालयहरुमा कार्यरत रहेका छन् भने १० हजारभन्दा बढी विद्यार्थीहरुमा सो संस्थाबाट प्रत्यक्ष रुपमा लाभान्वित भएका छन् ।
सानिमा बैंकले देशका सातवटै प्रदेशमा ७९ वटा शाखा, ९ एक्सटेन्सन काउन्टर र ८१ वटा एटीएममार्फत् सेवा प्रदान गर्दै आइरहेको छ ।