अख्तियार दुरुपयोग अनुसन्धान आयोगले डिभिजन वन कार्यालय सुनसरीका डिभिजन प्रमुख रामबाबु साहलाई घुस रकमसहित पक्राउ गरेको छ।

अख्तियारको इटहरी कार्यालयको टोलीले साहलाई कोशी गाउँपालिका– ८ सुनसरीबाट पाँच लाख ५३ हजार घुससहित पक्राउ गरेको हो।

बा२झ ४१० नम्बरको सरकारी गाडीमा लुकाइ राखेको अवस्थामा उक्त रकमसहित साहलाई पक्राउ गरिएको अख्तियारले जनाएको छ।

आयोगको टोलीले डिभिजन प्रमुख साह र उनको श्रीमती किरण साहको साथबाट स्रोत नखुलेको उक्त रकम बरामद गरेको हो।