भारतीय सिनेमाका महानायक भनिने अमिताभ बच्चन कोरोना संक्रमण जितेर घर फर्किएका छन् ।

सामाजिक सञ्जाल फेसबूकमा लेख्दै उनले आफ्नो कोरोना परीक्षण नेगेटिभ आएको र अस्पतालबाट डिस्चार्ज भएको बताएका हुन् ।

उनले आफू घर फर्केपनि क्वारेन्टाइनमै बस्ने बताएका छन् ।

उनीलगायत उनका छोरा अभिषेक बच्चनलाई पनि गत असार २८ गते कोरोनाको संक्रमण भएको पुष्टि भएको थियो ।  

आजै भारतका केन्द्रीय गृहमन्त्री अमित शाहलाई कोरोना संक्रमण भएको पुष्टि भएको छ भने उत्तर प्रदेशकी एक मन्त्रीको कोरोनाका कारण मृत्यु भएको भारतीय सञ्चारमाध्यमहरूले जनाएका छन् ।