कात्तिक २५, २०८०
मोरङमा २२ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा ग्रामथान गाउँपालिका १ लखनतरी टावर चोकका १८ वर्षीय किशोर रहेका छन् । उनलाई शुक्रवार दिउँसो पक्राउ गरिएको प्र...
साउन १८, २०७७
नक्कली सुन काण्डमा एकपछि अर्को रहस्य खुल्दै गएका छन् ।
सुन तस्करहरूले फालेर गएको भनिएको झोला तस्करहरूले प्रहरी जवान बहादुरसिंह कठायतलाई शहीद गेट र सुन्धाराको बीचमा रहेको आकाशे पुलमाथि दिएको नयाँ तथ्य खुलेको छ, भने कठायतको ७ वर्ष अघिदेखि ती व्यक्तिहरूसँग सम्बन्ध रहेको पनि खुलासा भएको छ ।
के थियो घटना ?
महानगरीय प्रहरी वृत्त दरबार मार्गका प्रहरी जवान बहादुरसिंह कठायतलाई साउन १२ गते सुराकीबाट सूचना आयो, काठमाडौंमा सुनको कारोवार हुँदैछ ।
कठायतले आफूलाई आएको सूचना सादा पोशाकका प्रहरी जवान प्रशन्न श्रेष्ठलाई सुनाए, प्रशन्न र बहादुर साथी हुन् ।
उनीहरूले सुन बरामद गर्ने योजना बनाए ।
योजनापछि १२ गते राति डीएसपी रञ्जन दाहाललाई जानकारी गराउन भन्दै प्रशन्न र बहादुरसिंह उनकोमा गए, तर राति भएकाले भोलि आउन भनियो ।
बिहान सुराकीले प्रशन्नलाई पुनः सूचना दियो, सुन कमलादी हुँदै भारततर्फ जाँदैछ । त्यसपछि प्रशन्नले डीएसपी दाहाललाई सुन तस्करी हुन लागेको जानकारी गराए । कमलादी हुँदै सुन लैजाने सूचना आफूले पाएको पनि बताए ।
उक्त सूचनापछि डीएसपी सहितको टोली अपरेसनका लागि तयार हुन्छ । कमलादी पुग्दा गाडी त्यहाँबाट फुत्किसकेको हुन्छ ।
०००
कमलपोखरीबाट बा६च ५५१९ नम्बरको स्कोर्पियो कमलादी, घण्टाघर, भद्रकाली शहीदगेट हुँदै त्रिपुरेश्वरतर्फ गएको खुल्छ ।
त्रिपुरेश्वरमा ट्राफिक जाम भएपछि गाडी थापाथलीतर्फ मोडिन्छ । प्रहरीको २ वटा मोटरसाइकलले पिछा गरेको थाहा पाएपछि गाडी भाग्न खोज्छ ।
त्रिपुरेश्वर र थापाथलीको बीचमा प्रहरीका २ वटा मोटरसाइकलले गाडीको छेक्छ । छेक्ने क्रममा प्रहरीले खनतलासी गर्न खोज्दा ड्राइभर गाडी अगाडि बढाएर भाग्छन् । गाडीमा ड्राइभर र अन्य २ जना (निलेश सखिया तथा देवान पटेल) हुन्छन् ।
उनीहरू फेरि माइतीघर हुँदै शहीद गेट जान्छन् । प्रहरीले गाडी खनतलासी गर्दा पनि केही नभेटियोस् भन्ने उद्देश्यले निलेश सखियालाई साढे १५ किलो चाँदी (सुनको जलप लगाएको), आधा किलो सुन र २ थान हतियार दिएर सार्वजनिक यातायात चढ्न भन्छन् ।
सार्वजनिक सवारी चढ्ने क्रममा प्रहरी जवान बहादुरसिंह कठायतले सखियालाई फेला पारेर नजिकैको ओभर वृजमाथि लैजान्छन् ।
त्यसक्रममा सखियाले प्रहरी जवानलाई सुनसहित सामान लगेर आफूलाई छाड्न आग्रह गर्छन् । सुन देखेपछि बहादुरसिंहले एउटा ढिक्का लुकाएर १५ किलो सुन फेला परेको भनी डीएसपी रञ्जन दाहाललाई जानकारी गराउँछन् ।
त्यस बेलासम्म पनि कठायतलाई सुन नक्कली हो भन्ने कुरा थाहा नभएको अनुसन्धानका क्रममा पत्ता लागेको महानगरीय प्रहरी परिसर काठमाडौंका प्रमुख वरिष्ठ उपरीक्षक (एसपी) श्यामलाल ज्ञवालीले लोकान्तरसँग बताए ।
त्यसपछि आफू बच्न सफल भएको र प्रहरीले सामान लगेको कुरा सखियाले आफ्ना साथीहरूलाई बताउँछन् ।
सखिया हिँड्दै आफ्नो कोठातर्फ लाग्छन्, उनका साथीहरू भने गाडी ललितपुरतर्फ मोडिन्छन् । बाटोमा अघि बढ्दै गर्दा एउटा घरमा ‘फ्ल्याट खाली’ लेखेर फोन नम्बर राखेको देखिन्छ ।
घरपतिलाई फोन गरी आफूहरूलाई फ्ल्याट चाहिएको भन्दै १० हजार बैना दिएर त्यहाँ गाडी राखी बाहिरिन्छन् ।
अर्को बिहान उनीहरू ट्याक्सी लिएर नागढुंगा हुँदै भारततर्फ भाग्ने क्रममा प्रहरीले नवलपरासी पूर्वबाट पक्राउ गर्छ ।
(अभियुक्तहरूले प्रहरीलाई दिएको बयानका आधारमा)
पछि खुल्छ 'सुन' नक्कली
शुरूमा भेटिएको १५ किलो धातुमध्ये आधा किलो सुन र बाँकी सुनको जलप लगाएको चाँदी भएको कुरा पछि मात्र खुल्छ ।
अर्को एक किलो जलप सहितको चाँदी प्रहरी जवान प्रशन्न र बहादुरसिंहका साथी उमेश श्रेष्ठको डेरामा भेटिन्छ ।
घटनाको अनुसन्धानका क्रममा प्रहरीले चाँदीमा जलप लगाउने मनिष मल्लिक, चाँदी किनिदिने व्यक्ति, सुराकी, २ जना प्रहरी र चाँदी लुकाउने उमेश श्रेष्ठलाई नियन्त्रणमा लिएको एसएसपी ज्ञवालीले लोकान्तरलाई बताए ।
घटनामा संलग्न इल्ताफ हुसेन अन्सारी र सञ्जय पटेल भने फरार छन् ।
प्रहरी जवान कठायत र कौशल पटेलबीच सम्बन्ध
प्रहरी जवान कठायत र देवान पटेलका भाइ कौशल पटेलबीच विगत ५ सात वर्षदेखि सम्बन्ध गरेको अनुसन्धानमा खुलेको छ ।
न्यूरोडमा सुन व्यापार गर्दै आएका पटेल र प्रहरी जवान कठायतले विगतका समयमा मोबाइल फोन साटासाट गर्नेदेखि सँगै बस्ने र खानेसम्म गरेको अनुसन्धान खुलेको प्रहरीले जनाएको छ ।
पछिल्लो समय ‘सुनसम्बन्धी काम आएको छ, गर्न सक्छौ भने दिन्छु’ भन्ने खालका कुराकानी भएको समेत देखिएको एसएसपी ज्ञवालीले लोकान्तरलाई बताए ।
पक्राउ परेका सबै जना (प्रहरी जवानहरूसमेत)लाई संगठित अपराधमा मुद्दा दर्ता हुने ज्ञवालीले जानकारी दिए ।
प्रहरी जवानले घुमाए फनफनी
प्रहरी जवान बहादुरसिंह कठायत र प्रशन्न श्रेष्ठले डीएसपीलाई समेत फनफनी घुमाएको देखिन्छ ।
अनुसन्धानका क्रममा अर्को कुरा के पनि खुलेको छ भने उनीहरूले नक्कली सुन बरामद भएको अघिल्लो दिन राति १५ लाख रुपैयाँका लागि बार्गेनिङ समेत गरेका थिए । कैलाश पटेलले सुन तस्करीका लागि आफ्नो दाइको काममा सहयोग गर्न भनेको अनुसन्धानमा खुल्न आएको एक अनुसन्धान अधिकृतले लोकान्तरलाई बताए ।
सुन तस्करीबारे कठायतलाई अघिल्लो दिन थाहा भएपछि कौशल पटेल र कठायतले १६ किलो सुन लुट्ने योजना बनाएको तथ्य खुल्न आएको ती अधिकारीले जानकारी दिए ।
पहिलेदेखि सुन तस्करीमा संलग्न
इल्ताफ हुसेन लगायतका टीम सुन तस्करीमा पहिलेदेखि नै सक्रिय रहेको अनुसन्धानमा देखिएको छ ।
लकडाउनको मौका छोपी लामो समयपछि फेरि सुन तस्करीमा उनीहरूले प्रयास गरेको देखिएको एसएसपी ज्ञवालीले बताए ।
मोरङमा २२ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा ग्रामथान गाउँपालिका १ लखनतरी टावर चोकका १८ वर्षीय किशोर रहेका छन् । उनलाई शुक्रवार दिउँसो पक्राउ गरिएको प्र...
तत्कालीन प्रहरी नायब महानिरीक्षक (डीआईजी) अशोक सिंहले २०७९ फागुन १० गते जिम्मेवारीबाट राजीनामा दिए । प्रहरी महानिरीक्षक (आईजीपी)को लाइनमा रहेका सिंहको जन्ममितिमा कैफियत देखिएपछि राजीनामा दिनुपरेको थियो ।&...
मकवानपुरको मनहरि गाउँपालिका–८ हेटौंडा–नारायगढ सडकखण्डको सिमपानीमा रोकिराखेको एक ट्रकमा अवैधरूपमा ल्याइएको लागूपदार्थ गाँजा फेला परेपछि ट्रकसहित चालकलाई स्थानीय प्रहरीले नियन्त्रणमा लिएको छ...
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
नेपाल प्रहरीको साइबर ब्युरोले सामाजिक सञ्जाल (टिकटक र फेसबूक)को दुरुपयोग गरी चरित्रहत्या गर्ने एक जनालाई बिहीव्ँरु पक्राउ गरेको छ । पक्राउ पर्नेमा सिराहा, लहान नगरपालिका स्थायी घर भइ हाल काठमाडौं बस्ने ३६ व...
आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...