भूउपग्रहीय तस्वीर हेर्दा चीनले भारतको लद्दाख नजिक लामो दूरीको आणविक बमवर्षक विमान तैनाथ गरेको देखिएको छ । 

चिनियाँ जनमुक्ति सेनाले वास्तविक नियन्त्रण रेखापारि शक्तिसञ्चय गरिरहेको छ । चीनको काशगर एयरफोर्स स्टेसनमा विमानहरू तैनाथ गरिएको हो । 
 

ओपेन इन्टेलिजेन्स सोर्समा प्राप्त भूउपग्रहीय तस्वीरमा बमवर्षक तथा अन्य लडाकू विमानहरू देखिन्छन् । 
 

सियान एच–६ बम्बर ६ वटा छन् र तीमध्ये दुईमा हतियार जडान गरिएको छ । अनि सियान जेएच–७ बम्बर १२ वटा छन् र तीमध्ये दुईवटामा हतियार जडान गरिएको छ । 

यसबाहेक शेनयाङ जे११/१६ लडाकू विमान पनि छन् । यिनीहरूको रेन्ज ३५ सय ५० किलोमिटर छ । 
 

सियान एच–६ बम्बर आणविक हतियार लिएर उड्न सक्छ । 
 

काशगर एयरफोर्स स्टेसन लद्दाखबाट लगभग ६०० किलोमिटर टाढा छ । 
 

शेनयाङ जे११/१६ लडाकू विमान २५ सय किलोमिटर प्रतिघन्टाको गतिमा उड्न सक्छ । चीनसँग २५० भन्दा बढी यस्ता विमान छन् । विमानमा ३० मिलिमिटरको तोप पनि जडान गरिएको छ ।