चिउँडोमा मास्क लगाएका मानिसले पटक्कै मास्क नलगाएकासँग गरे झगडा (भिडियो)

कोरोनाभाइरस महामारीका बीच संसारभरि अहिले मास्क लगाउने र नलगाउने मानिसबीचको द्वन्द्व चर्किरहेको छ । 

क्यानडाको पिज्जा पसलमा एक व्यक्तिले मास्ककै कारण आवेशमा आएर तोडफोड गरेका छन् । 


Advertisement

ती मानिस आफूले चाहिँ नाक मुखमा नभई चिउँडोमा मास्क झुण्ड्याएका थिए । अनि मास्क नलगाइकन आएका अर्का ग्राहकलाई देखेपछि उनको पारो तातेको थियो । 

बिहीवार रेड्डिटमा पोस्ट गरिएको भिडियोमा ती ग्राहक आक्रोशित हुँदै पिज्जा राखेको काउन्टरलाई धकेलेर लडाइदिएको देखिन्छ । क्वीन्स क्वेमा रहेको रहेको पिज्जा रेस्टुराँमा घटना भएको हो । 


Advertisement

मास्क नलगाएको व्यक्तिप्रति आक्रोशित हुने व्यक्ति आफैंले चाहिँ सही तरिकाले मास्क लगाएका थिएनन् । 

भिडियोमा आक्रोशित ग्राहक मास्क नलगाएका पुरुष नजिक पुग्छन् र उनलाई छुन खोज्छन् । मास्क नलगाएका व्यक्तिले उनलाई धक्का दिन्छन् । त्यसपछि चिउँडे मास्कवाला धेरैपटक चिच्याउँछन्, ‘उसले मलाई आक्रमण गर्‍यो’ । उनी यसको भिडियो खिच्न थाल्छन् भने अर्का व्यक्ति शान्त रहन्छन् । 

त्यसपछि आक्रोशित व्यक्तिले पिज्जा राखिएको शीशाको काउन्टरलाई धकेलेर लडाइदिन्छन् अनि शीशा टुक्राटुक्रा हुन्छ । 

घटनामा कसैलाई पनि चोटपटक नलागेको पिज्जा पसलको भनाइ छ । 

एजेन्सी
एजेन्सी

लेखकबाट थप...

कमेन्ट गर्नुहोस्