रुसले कोरोनाविरुद्धको खोपको व्यापक उत्पादन गर्ने घोषणा गरेपछि डब्लूएचओले तेस्यायो प्रश्न

फाइल फोटो।

विश्व स्वास्थ्य संगठन (डब्लूएचओ) ले रुसलाई भाइरस खोपसम्बन्धी निर्देशनको पालना गर्न आग्रह गरेको छ। 

मस्कोले तुरुन्तै कोभिड-१९ को खोपको उत्पादन सुरु गर्ने तयारीबारे मंगलबाबार घोषणा गरेपछि डब्लूएचओले रुसलाई सुरक्षित र प्रभावकारी खोप उत्पादन गर्ने दिशानिर्देशनको पालना गर्न आग्रह गरेको छ।


Advertisement

रुसले सोमबार सेप्टेम्बरमा कोरोना भाइरसविरुद्धको खोपको व्यापक उत्पादन गर्ने र अर्को वर्षमा प्रतिमहिना खोपको ‘करोडौँं’ मात्रा उत्पादन गर्ने लक्ष्यबारे जानकारी गराएको थियो। 

‘हामी सेप्टेम्बरसम्ममा सामूहिक उत्पादन सुरु गर्नेमा विश्वस्त छौँ,’ उद्योगमन्त्री डेनिस मन्तुरोभले रुसी समाचार संस्था तास न्यूजको साक्षात्कारमा बताएका थिए।  उनले भनेका थिए, ‘हामी एक महिनाका लाखौं मात्रा उत्पादन गर्नसक्नेछौँ र आगामी सेप्टेम्बरदेखि खोपलाई अत्यधिक उत्पादन गर्ने सुनिश्चित गर्न सक्षम हुनेछौं।


Advertisement

अर्को वर्षको सुरुसम्ममा करोडौँको खोपको मात्रा उत्पादन गर्नेछौं।’

खोप विकासमा लागेको उक्त संस्थाले मध्य रूसका तीन स्थानमा उत्पादन प्रविधि तयार गरिरहेको पनि रूसी समाचार संस्थाहरूले बताएका छन्। 

स्वास्थ्यमन्त्री मिखाइल मुराश्कोले गमलेयाले तयार पारेको खोपको क्लिनिकल परीक्षणहरू सम्पन्न भइसकेको र राज्यमा दर्ताकालागि आवश्यकप्रक्रिया सुरू भइरहेको बताएका थिए। गमलेयाको खोप ‘भेक्टर भ्याक्सिन’ हो। यसको मतलब यसले अन्य भाइरसहरूलाई प्रयोग गरी डीएनए एन्कोडिंगमार्फत आवश्यक प्रतिरक्षा कोशिका उत्पादन गरी उपचारमा सहयोग गर्छ।

गमालेयाको खोपले ‘एडेनोभाइरस’ उत्पादन प्रविधि हो जुन चीनको क्यानसिनोले उत्पादन गरेको खोपको लाई काममा लिएको छ, चीनको क्यान्सिनोले विकास गरेको कोरोनाभाइरस खोपको प्रविधिसँग मिल्दोजुल्दो रहेको छ। क्यान्सिनोको खोपको पनि क्लिनिकल परीक्षणको अन्तिम चरणको परीक्षण भइरहेको छ। 

रुसी घटनाक्रमका बारेमा सोध्दा डब्ल्यूएचओका अधिकारीले सबै खोप प्रयोगका लागि योगदान गरेका उम्मेद्वारहरु बाहिर निस्कनु अघि परीक्षणको पूर्ण चरणमा जानुपर्ने बताएको हो। ‘हाम्रा स्थापित अभ्यास र दिशानिर्देशहरू छन्,’ डब्ल्यूएचओका प्रवक्ता क्रिश्चियन लिन्डमेयरले जेनेभामा संयुक्त राष्ट्र संघमा पत्रकारहरूसँग भने।

‘अवश्य पनि उत्पादनका लागि कुनै पनि खोप वा औषधिले अनुमतिपत्र प्राप्त गर्नुपर्छ । उनीहरूले विभिन्न परीक्षणहरू पार गर्दै अघि बढ्नुपर्छ,’ उनले भने। 

‘कहिलेकाँही अनुसन्धानकर्ताहरूले दावी गर्छन् कि उनीहरूले केहि नवीन कुरा भेटे जुन वास्तवमै खुशीको समाचार हुन्छ । हुनसक्छ कसैले खोप विकास गर्ने वा पत्ता लगाउने काम ग¥यो तर यसले खोपको आधिकारिकताका लागि धेरै चरणहरू पार गर्नपर्छ। खोप विकासको मार्ग भेट्नु र सबै काम गर्ने खोप बनाउनुमा ठूलो भिन्नता छ,’ उनले भनेका छन्। 

एजेन्सी
एजेन्सी

लेखकबाट थप...

कमेन्ट गर्नुहोस्