भारतीय प्रधानमन्त्री नरेन्द्र मोदीले अयोध्यामा राम मन्दिरको भूमिपूजन समारोहमा नेपालको नाम स्मरण गरेका छन् ।

उनले भगवान रामसँग नेपालको आत्मीय सम्बन्ध रहेको स्मरण गरेका हुन् ।

विश्वका मुस्लिम देशमा समेत रामको पूजा हुने गरेको तथा चीनमा समेत भगवान रामलाई स्मरण गरिने मोदीले बताए ।

त्यसपछि उनले नेपालको नाम लिए ।

‘रामसँग नेपालको आत्मीय सम्बन्ध माता जानकीसँग जोडिएको छ,’ मोदीले भने ।

मोदीले अयोध्यामा भगवान रामको मन्दिर बन्नु भारत वर्ष र हिन्दूधर्ममा आस्था राख्नेहरूका लागि ठूलो सौभाग्य रहेको बताए ।

उनले भगवान रामको जन्म अयोध्यामा भएको पटक–पटक दोहोर्‍याए ।