यी हुन् ८३ महिलाको हत्या गर्ने रुसका सबभन्दा खतरनाक सिरियल किलर (भिडियो)

रुसका सबभन्दा खतरनाक सिरियल किलर मिखाइल पोपकोभले ८३ जना महिलाको हत्या गरेको कबुल गरेका छन् । 
 

पूर्वप्रहरी पोपकोभ अहिले मोर्दोभियास्थित पिनल कोलोनी (दण्ड दिन बनाइएको ठाउँ) मा आजीवन कारावासको सजाय काटिरहेका छन् । उनले हत्या गरेका अनेकौं महिलालाई बलात्कार पनि गरेका थिए । 
आफूले गरेको कामका लागि पश्चात्ताप लागेको उनी बताउँछन् । 


Advertisement

उनले १०० भन्दा बढी वा अझ लगभग २०० जनालाई मारेको हुनसक्ने विश्वास प्रहरीले गरेको छ । 

आजीवन कारावासका विषयमा कुरा गर्दै उनले मृत्युदण्ड नै पाएको भए हुन्थ्यो भने । 


Advertisement

‘मैले पश्चात्ताप गर्नुपर्ने थुप्रै कारण छन् । मैले यस्ता जघन्य अपराध नगरेको भए हुन्थ्यो,’ उनले स्थानीय न्युज वेबसाइट भेस्ती इर्कुत्स्कलाई बताए । 

‘पश्चात्ताप गर्नु कुनै पनि व्यक्तिको प्राकृतिक इच्छा हो । मैले सोच्नका लागि टन्नै समय पाएँ ।’
 

पोपकोभले कतिजना महिला मारेको भन्ने कुरा खुलाउन चाहेनन् । 

मैले मरेका मानिसको संख्या गनिनँ,’ उनले भने । 
 

पोपकोभले राति एक्लै हिँडिरहेका महिलालाई प्रहरीको गाडीमा राखेर लग्ने गरेका थिए । 
 

एजेन्सी
एजेन्सी

लेखकबाट थप...

कमेन्ट गर्नुहोस्