चीनको इन्नर मंगोलिया स्वायत्त क्षेत्रको बाओतोउ शहरमा प्लेग फैलिएपछि एउटा टोल लकडाउन गरिएको छ । प्लेगका कारण एकजनाको मृत्यु भएको छ । 

मर्ने व्यक्तिलाई एन्टेरिक प्लेग लागेको बताइएको छ । उक्त प्लेगले शरीरको पाचन प्रणालीमा आक्रमण गर्छ । 

ती व्यक्तिको मृत्यु आइतवार भएको बाओतोउ स्वास्थ्य समितिले जनाएको छ । 

त्यसै क्षेत्रमा अघिल्लो महिना ब्युबोनिक प्लेग फैलिएको खबर थियो । 

मध्यकालमा धेरैजनाको ज्यान लिएको उक्त प्लेग इन्नर मंगोलियाको बायान नुरका एक गोठालोलाई लागेको बताइएको छ । 
 

बाओतोउका अधिकारीहरूले शहरलाई पूर्वसतर्कता अपनाउन आदेश दिएका छन् । चेतावनीको समय सन् २०२० सम्मका लागि हो । 
 

मृतकसँग निकट सम्पर्कमा आएका नौजनालाई पनि अधिकारीहरूले एकान्तवासमा राखेका छन् । अन्य २६ लाई पनि आइसोलेसन क्याम्पहरूमा राखिएको छ । उनीहरूलाई पूर्वसतर्कता अपनाउँदै औषधिहरू दिइएको छ र

पीसीआर टेस्ट गरिएको छ । टेस्टको परिणाम नेगेटिभ आएको छ ।

रोग फैलिन नदिन सुजी इस्टेट लकडाउन गरिएको छ । 

शहरमा प्लेगको महामारी फैलिन सक्ने खतरा रहेको सरकारले स्वीकार गरेको छ ।