नेपाल खानेपानी संस्थान बुटवल, रूपन्देहीका कार्यालय प्रमुख इन्जिनियर सन्तोष साहलाई श्रोत नखुलेको रकमसहित अख्यितारले नियन्त्रणमा लिएको छ ।

अख्यितार दुरुपयोग अनुसन्धान आयोग केन्द्रीय कार्यालय टंगाल काठमाडौंको टोलीले साहले सोमबार बिहान धादिङबाट १० लाख ५५ हजार स्रोत नखुलेको रकम सहित नियन्त्रणमा लिएको हो ।

खानेपानी शाखा कार्यालयहरुको विभिन्न व्यक्तिहरुसँग घुस र रिसवत रकम उठाई काठमाडौंतर्फ जाँदै गरेको भन्ने सूचनाका आधारमा अख्तियार दुरुपयोग अनुसन्धान आयोग टंगालबाट खटिई गएको टोलीले इन्जिनियर साहलाई नियन्त्रणमा लिइएको प्रवक्ता तारानाथ अधिकारीले जानकारी दिए । 

उनी संस्थानको लु १ ञ ९५ नं. को गाडीमा बुटवलबाट काठमाण्डौ जादै गर्दा जिल्ला धादिङ धुनिवेसी नगरपालिका वडा नं.८ खानीखोलामा गाडी चेक जाँच गर्ने क्रममा निज सँग रहेको श्रोत नखुलेको नगद रकम २ लाख ३३ हजार ५ सय  र  बैंकमा जम्मा गरेको बैंक भौचर  ८ लाख २२ बराबरको रकमसहित पक्राउ परेका हुन् ।