पोखरा–९ मा कोरोना संक्रमण देखिएपछि सकेसम्म घरबाहिर ननिस्कन वडाको आग्रह

विजय उत्सव
विजय उत्सव

पत्रकार विजय उत्सव लोकान्तरका गण्डकी प्रदेश प्रतिनिधि हुन् ।

प्रतिकात्मक तस्वीर

पोखरा महानगरपालिका–९ मा कोराना भाइरस (कोभिड–१९) संक्रमण देखिएपछि उच्च सतर्कता अपनाइएको छ । 

वडा ९ कार्यालयले सोमवार सूचना जारी गरी अतिआवश्यक कामबाहेक घरबाहिर ननिस्कन वडावासीमा आग्रह गरेको छ । 


Advertisement

वडाध्यक्ष रामराज लामिछाने र वडा सचिव लोकदर्शन कोइरालाले संयुक्त हस्ताक्षर गरी जारी गरेको सूचनामा वडामा संक्रमण देखिएकाले वडावासीलाई भेला हुने गरी कुनै पनि कार्यक्रम नगर्न, अतिआवश्यक कामबाहेक बाहिर ननिस्कन, निस्कनै परे मास्क प्रयोग गर्न, व्यापार व्यवसाय सञ्चालन गर्नुपरे सामाजिक दूरी कायम गर्न आग्रह गरिएको छ ।

पोखरा–९ मा नयाँबजार, पृथ्वीचोक, बसपार्क लगायत पोखराका मुख्य बजार क्षेत्र पर्छन् । यसअघि पोखरा–१६ र १९ मा पनि सम्बन्धित वडाहरूले सूचना जारी गरी सोही प्रकृतिको आग्रह गरेका थिए ।


Advertisement

पोखरामा शनिवार राति मात्रै कोभिड–१९ का कारण ६२ वर्षीय पुरुषको ज्यान गएको थियो । उनी पोखरा १९ निवासी थिए । 

गण्डकीमा हालसम्म १ हजार ६१२ जना संक्रमित छन् । तीमध्ये १ हजार ४६३ निको भएका छन् । मृत्यु हुनेको संख्या ५ पुगेको छ ।

विजय उत्सव
विजय उत्सव

लेखकबाट थप...

कमेन्ट गर्नुहोस्