चीनले ११ जना अमेरिकी अधिकारीलाई चीनमा प्रतिबन्ध लगाएको छ । गत शुक्रवार अमेरिकाले केही चिनियाँ अधिकारीमाथि प्रतिबन्ध लगाएपछि त्यसको जवाफस्वरूप चीनले पनि ११ जना अमेरिकी अधिकारीहरूमाथि प्रतिबन्ध लगाएको हो ।

चिनियाँ विदेश मन्त्रालयका प्रवक्ता झाओ लिजियानले अमेरिकी अधिकारीहरूमाथि प्रतिबन्ध लगाएको पुष्टि गरे ।

चीनले ह्युमन राइट्स वाचका कार्यकारी निर्देशक केनेथ रोथ, फ्रीडम हाउसका अध्यक्ष माइकल अब्रामोविज लगायत थप ११ अधिकारीलाई चीनमा प्रतिबन्ध लगाएको प्रवक्ता झाओले मिडिया ब्रिफिङमा बताएका छन् ।

अमेरिकाले शुक्रवार ११ जना चिनियाँ अधिकारीमाथि हङकङमा चीनको समर्थनमा उभिएको आरोप लगाउँदै अमेरिकामा प्रतिबन्ध लगाएको थियो ।