काठमाडौंको गोंगबुमा शव भेटिएका व्यक्तिको पहिचान खुलेको छ ।

आइतवार टोखा नगरपालिका–१० गोंगबु गणेशथानमा सुटकेशमा भेटिएको शवको प्रहरी कार्यलयमा आएर उनलाई चिन्ने व्यक्तिले पहिचान खुलाएको महानगरीय प्रहरी कार्यलय प्रमुख डीआईजी विश्वराज पोखरेलले बताए ।

उनी दाङका कृष्णबहादुर बोहोरा भएको खुलेको छ । शरीर र टाउको छुट्टाछुट्टै स्थानका अवस्थामा फेला परेको थियो । 

छेदविच्छेद अवस्थामा भेटिएको शवको पहिचान नभएपछि आज (सोमबार) बिहान महानगरीय प्रहरी परिसर काठामाडौंले पहिचानको लागि तस्वीर सार्वजनिक गरेको थियो ।

फोटो सार्वजनिक गरेकै दिन उनको पहिचान खुलेको हो ।

उनको हत्या किन र के कारणले गरेको हो ? र कसले गर्‍यो भन्ने सम्बन्धमा अनुसन्धान भइरहेको महानगरीय प्रहरी परिसरका प्रवक्ता प्रहरी उपरीक्षक सोमेन्द्रसिंह राठोरले बताए ।