रुपन्देहीमा मदिरा सेवन गरी दुई साथीबीच हाँसिमजाक गर्दा एक जनाको ज्यान गरेको छ । रूपन्देहीको सियारी गाउँपालिकामा वडा नम्बर २ सितापुर बस्ने ४६ वर्षीय ओमप्रकाश यादवले स्थानीय जंगबहादुर बेलदार ५५ वर्षीयलाई उचालेर पछार्दा ज्यान गएको हो ।

यादवले कतिको क्षमता छ भनेर उछालेर लगाउँदा बेदारको मृत्यु भएको जिल्ला प्रहरी कार्यालय रुपन्देहीका प्रवक्ता डिएसपी खडगबहादुर खत्रीले जानकारी दिए ।  दुवै जना मदिरा सेवन गरेर आइतबार राति हाँसिमजाक गरेका थिए ।

प्रहरीका अनुसार मादक पदार्थ सेवन गरी हाँसीमजाक गर्ने क्रममा उचालेर पछार्दा जंगबहादुर बेलदारको ढाड र कम्मरमा चोट लागेको थियो । त्यसपछि उपचारका लागि मेडिकल कलेज भैरहवामा उपचारका क्रममा सोमबार बेलदारको मृत्यु भएको हो ।

घटनाको थप अनुसन्धान भइरहेको जिल्ला प्रहरी कार्यालय रुपन्देहीको प्रहरी प्रवक्ता खड्कबहादुर खत्रीले लोकान्तरलाई जानकारी दिए ।