उपत्यका प्रवेशमा कडाइ गर्न काठमाडाैंका स्थानीय जनप्रतिनिधिकाे माग, सार्वजनिक यातायात बन्द गर्न सुझाव

उपत्यका नगरपालिका फोरमले उपत्यका प्रवेश गर्ने प्रस्थान विन्दुमै अत्यन्त कडाई गर्न सरकारसँग माग गरेको छ।

सोमबार राजधानीमा बसेको नगरपालिका फोरमको बैठकले  अनाधिकृत रुपमा उपत्यका प्रवेश गर्नेमाथि रोक लगाउन माग गरेको हो।


Advertisement

फोरमले एकीकृत क्वारेन्टाइन संघीय सरकारले सञ्चालन गर्ने र स्थानीय तहले व्यवस्थापनमा सहयोग गर्नेगरी तयारी गर्नु उपयुक्त हुने ठहर पनि गरेको छ। 

बैठकले उपत्यकामा सार्वजनिक यातायात सञ्चालनमा भदौ १५ गतेसम्म रोक लगाउनुपर्ने तथा अन्यमा जोरबिजोरलाई निरन्तरता दिन माग गरिएको छ।


Advertisement

 बैठकले उपत्यकामा समूदाय स्तरमा कोभिड—१९ को संक्रमण जानसक्ने खतरालाई ध्यानमा राखी सरकारको समर्थन वा विरोधमा र्याली, भेला, अनसन, जुलुस लगायतका गतिविधि गर्न कडाईका साथ निषेध गरिनुपर्ने तथा भीड हुने साँस्कृतिक गतिविधि जात्रा पर्व सञ्चालनमा पनि रोक लगाउन पनि अनुरोध गरेको छ।

व्यापारिक क्षेत्र तथा सपिङ महल, होटल, रेष्टुरेन्ट आदिमा कोभिड-१९ संक्रमणको उच्च जोखिमयुक्त क्षेत्र रहेको ठहर गर्दै फोरमले ती क्षेत्रमा मापदण्डलाई कडाईका साथ पालना गर्नुपर्ने निष्कर्ष निकालेको छ। 

तरकारी व्यापारलाई साँझ बिहान मात्र सिमित गर्नुपर्ने फोरमको माग छ। त्यस्तै, निर्माण कार्य, फुटपाथ, ठेलागाडा, साइकल मार्फत गरिने व्यापारलाई भदौ १५ गते सम्मका लागि निषेध गर्नुपर्ने पनि बैठकले निर्णय गरेको छ।

उपत्यकामा स्थानीय तहबाट अत्यावश्यक सेवा बाहेक अन्य सेवा प्रवाहलाई ३ हप्ताको लागि बन्द गर्न निर्णय पनि गरेको छ ।  

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्