अमेरिका र चीनबीच तनाव बढेपछि चीनले पूर्वी एसियामा बढायो युद्धाभ्यास

चीन र अमेरिकाबीच शाब्दिक युद्ध चर्किएपछि चीनले पूर्वी एसियाका विभिन्न क्षेत्रमा सैन्य अभ्यास बढाइरहेको छ । वाशिङटनले सैन्य गतिविधि बढाइरहँदा र अमेरिकाका क्याबिनेट सेक्रेटरीले ताइवानको भ्रमण गर्न लाग्दा युद्धाभ्यास बढाइएको हो । 

एक चिनियाँ थिंक ट्यांकले अमेरिकी प्रभुत्वको गुआम टापुमा चिनियाँ जनमुक्ति सेनाले लाइभ फायर अभ्यास गर्न सक्ने जनाएको छ । 


Advertisement

जुलाई महिनामा दुईपटक दक्षिण चीन सागरमा अमेरिकाले युद्धपोत तैनाथ गरेर अभ्यास गरेपछि बेइजिङले युद्धाभ्यास बढाएको हो । 

तर अमेरिकाको हेल्थ यान्ड ह्युमन सर्भिसेज सेक्रेटरी एलेक्स अजारले ताइवानको भ्रमण गरेपछि चीन–अमेरिका तनाव झनै चर्किएको छ । लामो समयपछि ताइवान भ्रमण गर्ने अजार सबभन्दा माथिल्ला अमेरिकी अधिकारी हुन् ।
 


Advertisement

ताइपेइमा अजारको उपस्थिति ताइवानका विषयमा अमेरिकी प्रतिबद्धताको गम्भीर उल्लंघन भएको चीनको परराष्ट्रमन्त्रीका प्रवक्ता झाओ लिजियानले बताए । 

सोमवार बिहान चीनले ताइवान जलप्रपातको मध्यरेखापारि लडाकू विमान पठाएको थियो । ताइवानले ती विमानलाई आफ्ना युद्धक विमानले भगाएको जनाएको छ । चिनियाँ विमानलाई ताइवानको एन्टी–एयरक्राफ्ट क्षेप्यास्त्रले पनि ट्य्राक गरेको ताइवानको रक्षा मन्त्रालयले जनाएको छ । 

चीनका सम्भावित युद्धाभ्यासहरूका विषयमा सोध्दा यूएस इन्डो–प्यासिफिक कमान्डका प्रवक्ता मेजर –यान्डी रेडीले भविष्यमा हुन पनि सक्ने नहुन पनि सक्ने काल्पनिक अभ्यासका विषयमा कुनै अनुमान नगर्ने बताए । 

सैन्य विश्लेषक कार्ल शुस्टरले वाशिङटन र ताइपेइ दुवैलाई बलियो सन्देश दिन चीनले सैन्य अभ्यास गर्नु आश्चर्यको कुरा नभएको बताए । 

‘उनीहरूले ताइवानको पूर्वी क्षेत्रमा एयर नेभल स्ट्राइक अभ्यास गर्न सक्छन् । चीनका राष्ट्रपति सी चिनफिङले चेतावनी दिन चाहेमा गुआमभन्दा पश्चिमतिरको जलक्षेत्रमा ब्यालिस्टिक क्षेप्यास्त्र प्रहार गराउन सक्छन्,’ उनले थपे । 

चिनियाँ जनमुक्ति सेनाको अंग्रेजी संस्करणको वेबसाइटमा गुआमको नाम परेकाले त्यहाँ आक्रमण हुन सक्ने सम्भावना रहेको उनको भनाइ छ ।

एजेन्सी
एजेन्सी

लेखकबाट थप...

कमेन्ट गर्नुहोस्