स्वास्थ्य  तथा जनसंख्या मन्त्रालयले पछिल्लो २४ घण्टामा काठमाडौँ उपत्यकामा १ सय ३२ मा संक्रमण भेटिएको जनाएको छ ।

मंगलवार नियमित पत्रकार सम्मेलनका क्रममा मन्त्रालयका प्रवक्ता डा. जागेश्वर गौतमले देशैभर ६ सय ३८ र उपत्यका काठमाडौँमा १ सय ३२ जनामा नयाँ संक्रमण भेटिएको जनाएका हुन् ।

काठमाडौँ जिल्लामा १ सय १०, भक्तपुरमा ८ र ललितपुरमा १४ जनामा संक्रमण भेटिएको उनले जनाए ।

यससँगै नेपालमा सक्रिय संक्रमितको संक्या ७ हजार २ सय १ पुगेको छ ।

पछिल्लो २४ घण्टामा संक्रमणमुक्त भएर निको हुनेको संख्या १ सय ७१ रहेको प्रवक्ता डा. गौतमले बताए ।

हालसम्म संक्रमणमुक्त भएर निको हुनेको संख्या १६ हजार ६ सय ६४ रहेको छ ।

डा. गौतमले देशैभर १ सय ८३ जना स्वास्थ्यकर्मीमा कोरोना संक्रमण भेटिएको बताए ।