एक सातापछि बालुवाटारमा ओली–प्रचण्ड भेटवार्ता

फाइल फोटो

नेकपाका अध्यक्ष एवं प्रधानमन्त्री केपी शर्मा ओलीलाई भेट्न अर्का अध्यक्ष पुष्पकमल दाहाल 'प्रचण्ड' बालुवाटार पुगेका छन् ।

अघिल्लो साताको मंगलवारयता दुई अध्यक्षबीच भेटवार्ता हुन सकेको थिएन ।


Advertisement

यसक्रममा बुधवार एपीवान टेलिभिजनलाई दिएको अन्तर्वार्तामा प्रधानमन्त्री ओलीले ५ दिनभित्र सहमति हुने संकेत गरेका थिए ।

आज (बिहीवार)बाट ५ दिनको काउनडाउन नै शुरू गर्न उनले आग्रह गरेका छन् ।


Advertisement

ओलीलाई भेट्न प्रचण्ड बिहान ११ बजेपछि बालुवाटार पुगेको उनका प्रेस संयोजक विष्णु सापकोटा जुगलले जानकारी दिए ।

अध्यक्षद्वयबीच सहमति जुट्न नसक्दा असार १० गते शुरू भएको नेकपा स्थायी कमिटी बैठक अलपत्र पर्दै आएको छ ।

साउन ६ गते केही समयका लागि बसेको बैठक त्यसपछि अनिश्चितकालका लागि स्थगित भएको छ । 

केन्द्रीय कमिटी विघटन गरेर महाधिवेशन आयोजक समिति गठन गर्ने विकल्पमा समेत छलफल शुरू भएको नेकपा स्रोतले बतायो ।

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्