कोभिड खोप हतार गरी ल्याइएको भन्दै रुसका शीर्ष चिकित्सकले दिए राजीनामा

रुसमा श्वासप्रश्वास रोगका अग्रणी चिकित्सक डा अलेक्जेन्डर चुकालिनले कोरोनाभाइरस खोप हतार गरेर ल्याइएको आरोप लगाउँदै राजीनामा दिएका छन् । 

खोपमा हतार गरेर स्वास्थ्य नैतिकताको चरम उल्लंघन गरिएको उनको आरोप छ । 


Advertisement

उनले रुसको स्वास्थ्य मन्त्रालयको एथिक्स काउन्सिलबाट राजीनामा दिएका हुन् । त्यसअघि उनले स्पुतनिक भी खोपको कडा विरोध गरेका थिए । 

पश्चिमका विज्ञहरूले खोपका विषयमा शंका गरेका छन् । 


Advertisement

डा चुकालिनले सुरक्षाको कारण देखाउँदै खोपको दर्ता रोक्का गर्ने प्रयास गरे पनि विफल भएपछि एथिक्स काउन्सिलबाट राजीनामा दिएका थिए । 

स्वास्थ्य नैतिकतालाई उल्लंघन गर्दै खोप उत्पादनमा हतार गर्न दुई अग्रणी चिकित्सकहरू जिम्मेवार रहेको भन्दै उनले विशेष रूपमा आरोप लगाएका छन् । 

उनले गामालेया रिसर्च सेन्टरका निर्देशक प्रा अलेक्जेन्डर गिन्ट्सबर्ग र रुसी सेनाका शीर्ष भाइरोलोजिस्ट प्रा सर्गेइ बोरिसेभिचको नामै किटेर आलोचना गरे । 

उनले ती दुईलाई सोधे, ‘तपाईंहरूले रुसी कानून र अन्तर्राष्ट्रिय वैज्ञानिक समुदायले स्वीकृति दिएको सबै प्रक्रिया पूरा गर्नुभयो ? अँह ! खोपको काम पूरा भएकै छैन । त्यसैले डु नो हार्म भन्ने स्वास्थ्यको एक नैतिक सिद्धान्तलाई पूर्ण उल्लंघन गरिएको छ ।’
 

चुकालिनले रसियन रिसर्च इन्स्टिच्युट अफ पल्मनोलोजी स्थापना गरेका हुन् र उनी पिरोगोभ नेसनल रिसर्च मेडिकल युनिभर्सिटीमा डिपार्टमेन्ट अफ हस्पिटल थेरापीका प्रमुख हुन् । 

उनले भने, ‘सबै वैज्ञानिक तथ्यलाई जाँचबुझ नगरिकन खोपको प्रभावकारिता निर्धारण गर्न सकिन्न ।’

एजेन्सी
एजेन्सी

लेखकबाट थप...

कमेन्ट गर्नुहोस्