गृह मन्त्रालयले काठमाडौं उपत्यकामा सवारीसाधनमा जोरबिजोर प्रणालीकाे नियम लागू गराउन १३ वटा टोली परिचालन गरेकाे छ।

सरकारले काठमाडाैं उपत्यका र काेराेनाका सक्रिय संक्रमित २ सय नाघेका जिल्लामा सवारीसाधनमा जाेरबिजाेर प्रणाली लागू गरे पनि कार्यान्वयन नभएकाे भन्दै गुनासाे आइरहेका बेला सरकार कडाइ गर्ने मनस्थितिमा पुगेकाे हाे।

​गृहका अनुसार काठमाडौंमा ५ तथा ललितपुर र भक्तपुरमा चार/चार वटा टोली परिचालन गरेकाे हो। टाेलीले जाेरबिजाेरसँगै व्यक्तिगत भाैतिक दूरीकाे पालना, मास्ककाे प्रयाेग लगायतका बारेमा अनुगमन गरेर कारबाही गर्ने छ। 

यसैगरी अनुमति बिना नै काठमाडाैं प्रवेश गर्न खाेज्ने ७ हजार ६ सय बढी सवारीसाधन र १९ हजार ४ सय ८३ यात्रुलाई फिर्ता पठाइएकाे छ।