स्वास्थ्य तथा जनसंख्या मन्त्रालयले पछिल्लो २४ घण्टामा ८ सय १८ कोरोना संक्रमित थप भएको जनाएको छ ।

आइतवार नियमित प्रेस ब्रिफिङका क्रममा प्रवक्ता डा. जागेश्वर गौतमले ८ हजार २६ को पीसीआर परीक्षण गरिएकोमा ८ सय १८ मा संक्रमण भेटिएको बताएका हुन् ।

यससँगै हालसम्म सक्रिय संक्रमितको संख्या १३ हजार १ सय ५५ रहेको छ ।

पछिल्लो २४ घण्टामा संक्रमणमुक्त भएर डिस्चार्ज हुनेको संख्या २ सय ८१ रहेको छ भने नेपालमा हालसम्म १८ हजार ६ सय ३१ संक्रमणमुक्त भएर डिस्चार्ज भएका छन् ।

काठमाडौँ उपत्यकामा पछिल्लो २४ घण्टामा १ सय ६६ मा संक्रमण देखिएको डा. गौतमले बताए । काठमाडौँ जिल्लामा १ सय २६, ललितपुरमा १२ र भक्तपुरमा २८ जना संक्रमित भेटिएका छन् ।