हिन्द महासागरमा रहेको मलक्का जल सन्धि किन हो चीनको टाउको दुखाइ ?

चीन अहिले विभिन्न देशसँगको विवादमा अल्झिएको छ । 

यसरी विवादमा रहँदा उसलाई हिन्द महासागरमा रहेको मलक्का जलसन्धिको चिन्ताले सताउने गरेको छ । चीनको अधिकांश कारोबार यही जलमार्गबाट हुने गरेको छ । 


Advertisement

चीनको ८० प्रतिशत तेल आपूर्ति यही मलक्का जलसन्धि मार्ग भएर हुने गरेको छ । यसमा बाधाअवरोध आयो भने चीनका जहाजहरूले निकै लामो बाटो जानुपर्ने हुन्छ र त्यसबाट हुने आर्थिक बोझ सहन गाह्रो पर्छ । 

एक हप्ता मात्र पनि मलक्का जलसन्धिको बाटो बन्द भयो भने चीनको समुद्री यातायातको लाग ६.४० करोड डलरसम्म बढ्नेछ । यो बन्द भएर लामो बाटो जानुपरेमा चीनलाई वार्षिक ८४ अर्बदेखि २०० अर्ब डलरसम्मको घाटा लाग्ने अनुमान छ । 


Advertisement

चीनले वर्षौंदेखि सामुद्रिक यातायातका लागि नयाँ बाटो खोजिरहेको छ । थाइल्यान्डबाट नयाँ समुद्री व्यापारिक मार्ग बनाउने कोशिश उसले गरिरहेको छ । महत्त्वाकांषी बेल्ट रोड इनिसिएटिभ अन्तर्गत उसले थाइल्यान्डसँग जोडिने क्रा इस्थमस नहर बनाउन खोजेको छ । तर थाइल्यान्डले यस परियोजनालाई अघि बढाउन नमानेर स्थल सडक बनाउन जोड दिन खोजेको छ । 
 

मलक्का जलसन्धि साँघुरो समुद्री मार्ग हो र यो लगभग ८०० किलोमिटर लामो छ । यो सिंगापुर, मलेसिया र इन्डोनेसियाको बीचमा छ । यो संसारको सबभन्दा भीडभाड हुने व्यापारिक समुद्री मार्गमा पर्छ । 

यहाँबाट प्रत्येक वर्ष ७५ हजार जहाज जाने गरेका छन् । हिन्द महासागरमा रहेको अन्डमान समुद्रलाई यसले दक्षिण चीन सागरसँग जोड्छ । 
 

यसप्रतिको निर्भरता घटाउनका लागि नै चीनले पाकिस्तानको ग्वादरमा बन्दरगाह निर्माणमा जोड दिएको छ ।
 

एजेन्सी
एजेन्सी

लेखकबाट थप...

कमेन्ट गर्नुहोस्