फिलिपिन्सका राष्ट्रपति भन्छन्– रुस र चीनसँग मात्र कोभिडको खोप किन्ने हो

फिलिपिन्सका राष्ट्रपति रोड्रिगो डुटेर्टेले रुस र चीनसँग मात्र कोभिड–१९ का खोपहरू किन्ने बताएका छन् । 

पश्चिमका ठूला औषधि कम्पनीहरूले मनिलासँग खोपका लागि मोलमोलाइ गर्न खोजेमा उनीहरूलाई लात हान्ने डुटेर्टेको भनाइ छ । 


Advertisement

मंगलवार बयान दिने क्रममा उनले खोप बेच्नका लागि हतार गरिरहेका पश्चिमी कम्पनीहरूलाई नाफाबाहेक अरू केही सोच्नै नआउने बताए । 

‘उनीहरू अनुसन्धान तथा खोपलाई उम्दा बनाउने काममा लगानी गरिदिए हुन्थ्यो भन्छन् । अनि खोप दिनुअघि उनीहरू नगदमै एड्भान्स चाहन्छन्,’ डुटेर्टेले भने । 


Advertisement

‘अहिलेसम्म खोप बनिसकेको छैन भन्नुहुन्छ भने कुनै कुरा टुंगोमा पुगेको छैन । अनि हामीले पैसा जम्मा गरेर खोप आफ्ना लागि रोकिराख्नुपर्ने रे, पागल हौं र ?’ डुटेर्टेले भने । 

त्यसैले पश्चिमी औषधि कम्पनीहरूले मनिलासँग यस विषयमा कुनै सम्झौता गर्न आउन नहुने अन्यथा तिनीहरूलाई लात हान्ने डुटेर्टेको भनाइ छ । केही चिनियाँ कम्पनीहरूले पनि रिजर्भेसन फी मागिरहेको राष्ट्रपतिले थपे तर कुनै कम्पनीको नाम लिएनन् । 

यसअघि फिलिपिन्सले रुससँग संसारको पहिलो कोभिड खोप स्पुतनिक भीको परीक्षण सम्झौता गरिसकेको छ । देशमा खोपको पहिलो परीक्षण आफूबाटै गराउने उनको भनाइ छ । 
 

एजेन्सी
एजेन्सी

लेखकबाट थप...

कमेन्ट गर्नुहोस्