अनलाइन कक्षालाई तिव्रता दिन जुटे निजी विद्यालय, सरोकारवालाको नाममा अपील जारी

काठमाडौं ।  निजी तथा आवासीय विद्यालय अर्गनाइजेशन नेपाल (प्याब्सन) अनलाइन कक्षालाई थप प्रभावकारी बनाउन जुटेको छ । सरकारले भर्चुअल, अनलाइन, दूरशिक्षा लगायतका वैकल्पिक शिक्षण सिकाइलाई मान्यता दिएसँगै प्याब्सन पनि वैकल्पिक सिकाइ प्रणालीलाई थप व्यवस्थित बनाउने गरी अघि बढेको हो । 

प्याब्सनले बुधबार अभिभावक तथा सरोकारवालालाई सम्बोधन गरी अपील जारी गर्दै भनेको छ, ‘एक शैक्षिक–सत्र खेर जाँदा शिक्षण सिकाइ कृयाकलापमा पर्न जाने अपुरणीय क्षतिलाई मध्यनजरमा राख्दै शैक्षिक–सत्र खेर जान नदिन तीनै तहका सरकार, अन्य सरोकारवाला निकायहरू लगायत आम जनसमुदायले आ–आफ्ना स्थानबाट सकारात्मक भूमिका निर्वाह गर्नुहुने छ  भन्ने प्याब्सन केन्द्रीय कार्यसमितिले विश्वास लिएको छ ।’


Advertisement

 साथै इन्टरनेट सेवा प्रदायक सङ्घ–संस्थाहरू, विद्युत् सेवा प्रदायक सङ्घ–संस्था, भर्चुअल, अनलाइन, दूरशिक्षा प्रदायक सरकारी तथा गैरसरकारी सङ्घ–संस्थाहरूलाई आ–आफ्ना सेवा र सुविधालाई भरपर्दो र सहुलियत दरमा उपलब्ध गराइ सहयोग गरिदिन पनि अनुरोध गरेको छ । 

यस्तै सिकाइमा भइरहेको नयाँ अभ्यासलाई भरपर्दो र प्रभावकारी बनाउन आ–आफ्ना नानीबाबुहरूलाई सहयोग गर्न पनि अनुरोध गरिएको छ । 


Advertisement

यस्तै प्याब्सनले विभिन्न ५ बुँदामा अभिभावकको ध्यानाकर्षण पनि गराएको छ, जुन यसप्रकार छः

१.    सम्भव भएसम्म आफ्ना  नानीबाबु पहिलेदेखि अध्ययन गरिरहेको  विद्यालयमा सम्पर्क गरी अभिलेखीकरण गराउँनु हुन ।
२.    बाध्यात्मक अवस्थामा विद्यालय परिवर्तन गर्नुपर्ने भएमा अघिल्लो शैक्षिक सत्रमा अध्ययन गरेको विद्यालयबाट स्थानान्तरण प्रमाण–पत्र प्राप्त गरी नयाँ विद्यालयमा भर्ना गराउँनु ह्ुन ।
३.    आफ्ना नानीबाबु नेपाल सरकारले वर्गीकरण गरेको शिक्षण सिकाइको कुन माध्यमका पहँुचमा छन् त्यसको जानकारी सम्बन्धित विद्यालयमा गराउँनु हुन ।
४.    विद्यालयले माग गरे बमोजिमका विवरणहरू उपलब्ध गराउँनु हुन ।
५.    कुनै पनि समस्या वा अन्यौलता भएमा सम्बन्धित विद्यालयमा सम्पर्क गर्नुहुन ।

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्