‘कोरोना लाग्यो, मर्न जान्छु’ भनी गएका व्यक्तिको वास्तविकता अर्कै

भारतको मुम्बईमा एक पतिले आफ्नी पत्नीलाई कोरोना पोजिटिभ भएको भन्दै झूटो कुरा बताएको रहस्य खुलेको छ । 

आफू कोभिड सेन्टरमा भर्ना हुन गएको र परिवारलाई संक्रमणबाट बचाउन चाहेको बहाना बनाए । तर खासमा उनी आफ्नी प्रेमिकासँग भागेका रहेछन् । 


Advertisement

पतिसँग सम्पर्क हुन नसकेपछि चिन्तित भएकी पत्नीले प्रहरीमा उजुरी गरिन् । प्रहरीले खोज्दै जाँदा पतिलाई उसकी प्रेमिकासँग इन्दौरमा फेला पारे । 

जुलाई २४ मा पतिले पत्नीलाई फोन गरेर आफू कोरोना पोजिटिभ भएको र मर्न जान लागेको बताए । पत्नीले चिन्तित हुँदै रोक्न खोज्दा उनले फोन काटे ।


Advertisement

त्यसपछि उनले फोन स्विच अफ गरे । भोलिपल्ट उनका सालाले भिनाजुको बाइक वाशीस्थित एक गल्लीमा त्यत्तिकै राखिएको अवस्थामा फेला पारे । 
 

बाइकमा नै उसको हेल्मेट, अफिस ब्याग र पर्स थियो । परिवारले वाशी प्रहरी चौकीमा हराएको रिपोर्ट दर्ता गर्‍यो । 

वरिष्ठ प्रहरी निरीक्षक संजीव धूमलले प्रहरीको टोली उक्त व्यक्तिको खोजीमा लागेको बताए । कोभिड सेन्टरहरूमा उनलाई खोजियो । उनको मोबाइललाई निगरानीमा राखियो । निकै खोजेपछि प्रहरीले पत्ता लगायो । 

उनले आफ्नो मोबाइलमा पुरानो सिम बन्द गरेर नयाँ सिम राखेका रहेछन् । प्रहरीले मोबाइल इन्दौरमा चलिरहेको थाहा पायो । 

प्रहरीको एक टोली इन्दौर पुग्यो र उनलाई पक्राउ गर्‍यो । इन्दौरमा नाम परिवर्तन गरेर उनी भाडाको घरमा प्रेमिकासँग बसिरहेका रहेछन् । 

एजेन्सी
एजेन्सी

लेखकबाट थप...

कमेन्ट गर्नुहोस्