सरकारले पाँचौं संविधान दिवसका अवसरमा एक दर्जन भन्दा बढी उद्योगी व्यवसायीलाई बिभिन्न मानपदवी, अलंकार र पदकले विभूषित गरेको छ ।

यस वर्ष शंकर ग्रुपका अध्यक्ष शंकरलाल अग्रवाललाई प्रबल जनसेवा श्री(चतुर्थ) बाट विभूषित गरिएको छ ।

शंकर ग्रुप अग्रवालको अध्यक्षतामा स्थापित एक व्यवसायी ग्रुप हो, जसले छोटो समयमा नै नेपालको अर्थतन्त्रमा आफ्नो ठुलो योगदान दिन सफल भएको छ ।

यस ग्रुपले सिमेन्ट, छड, स्टिल पाइप, प्लाष्टिक प्याकेजिङ इत्यादि निर्माण गर्दै देशको अर्थतन्त्रमा योगदान पुर्याउदै आएको छ ।

शंकर ग्रुपले यो सम्मानले देश र समाज प्रतिको दायित्व बढाएको प्रतिक्रिया दिएको छ । व्यवसाय सँगै सामाजिक दायित्वलाई अझ गम्भीरता साथ लिने ग्रुपले जनाएको छ । साथै ग्रुपले अहिले गरिरहेका सम्पूर्ण सामाजिक कार्यहरूलाई निरन्तरता दिइरहने प्रतिबद्धता व्यक्त गरेको छ ।

संविधान दिवसको अवसरमा सरकारले ५ सय ८६ जनालाई विभिन्न मानपदवी, अलंकार र पदकद्वारा (तक्मा)विभूषित गरिने घोषणा गरेको छ ।