काठमाडौं । काठमाडौं उपत्यकामा कोरोनाभाइरस संक्रमितको संख्या १६ हजार नजिक पुगेको छ । शनिबारसम्म काठमाडौं उपत्यकामा संक्रमितको संख्या १५ हजार ८४९ पुगेको स्वास्थ्य तथा जनसंख्या मन्त्रालयले जनाएको छ । 
मन्त्रालयका अनुसार काठमाडौंमा मात्रै संक्रमितको संख्या १३ हजार १४ पुगेको छ । जसमा पुरुष ८ हजार ७३३ र महिला ४ हजार २८१ रहेको छ।  यस्तै ललितपुरमा १४८४ संक्रमितमध्ये पुरुष ८१० र महिला ६७४ जना रहेका छन् । 

यसैगरी भक्तपुरमा १३५१ संक्रमित मध्ये पुरुष ७६१ र महिला ५९० जना रहेका छन् । 

संक्रमितमध्ये काठमाडौंका ५ हजार ८५९ जना निको हुँदा ७१ जनाको भने ज्यान गएको छ । यसैगरी ललितपुरमा ८२९ निको भएका छन् भने १० जनाको मृत्यु भएको छ । यस्तै भक्तपुरमा ६१९ जना निको हुँदा १४ जनाले ज्यान गुमाएका छन् । शनिबारसम्म देशभर संक्रमितको संख्या ६२ हजार ७९७ पुगेको छ ।